Paulu Matteiu Della Foata
Biugrafia
mudificàNatu in Azilonu, in a pievi d'Urnanu, u 14 d'aostu 1817, Paulu Matteu Di A Fuata fù urdinatu preti in u 1843. Dopu à una bedda carriera chì u purtò da u picculu siminariu d'Aiacciu, dund'eddu fù prufissori in 1843, sin'à Bucugnà, Corti in 1855, po torra Aiacciu dund'eddu esercitò intantu ch'è preti è vicariu in 1876. Fù numinatu vescu di Corsica u 21 d'aostu 1877, è tensi 'ssa funzioni sin'à a so morti. Fù numinatu dinò prelatu di u Papa Leone XIII in 1879.
Cunnuscendu u corsu, u talianu, u francesu è u latinu, è scrivendu in ugnuna di 'ssi lingui, Monsignori Della Foata hè intrutu sopratuttu in u chjirchju u più altu di i scrittori corsi par via di i so puemi scritti in a parlata di l'Urnanu da 1856 à 1877 è arriuniti suttu à l'appillazioni di Poesie giocose, pupularizati à u longu di u XIXimu seculu, è publicati parechji volti à parta da 1873.
Paulu Matteiu di la Fuata morsi in Aiacciu u 3 di ghjennaghju 1899.
Bibliugrafia
mudificàPaulu Matteiu di la Foata scrissi in corsu, talianu, francesu è latinu:
In corsu
mudificà- Poesie Giocose, in lingua vernacula di a pieve d'Ornanu (1856-1877)
- Predica di a rustaghja
- Invucazioni à a musa campagnola
- Marducheiu
- Preti Santu
- Nanna di u Bambinu
- U Duttori
- Discrizzioni di a pievi d'Urnanu
- A Nubiltà
In francesu
mudificà- Recherches et notes diverses sur l'histoire de l'Église en Corse (1895), Bastia, Stamparia è libraria Ollagnier, [1].
Stratti
mudificàEccu un strattu di A nanna di lu Bambinu:
- Si spanna l'aria, lu tempu s'assirena,
- Luci la stedda, la luna hè ghjà ripiena :
- Ninna, nanna u me figliolu,
- Addurmenta ti parpena !
- Ninna nanna, biu bia !
- Lu me rè, lu me Missia.
- Tù cun trè dita susteni terra è celi
- È s'tù li chjami, sò pronti è sò fideli.
- O spiranza di la mamma.
- Dolci dolci com'è meli,
- Sapuritu com'è manna,
- Dormi, dormi è fà la nanna.
Da vede dinò
mudificàRiferimenti
mudificà- Rinatu Coti, Cunfarenza fatta in Azilonu u 7 aostu 1999 da cilibrà u cintinariu di a morti di Mgri Paulu Matteu di la Fuata, U Taravu Archiviu 2005-05-06 at the Wayback Machine
- A canzona "A rustaghja" intarpritata da Regina è Bruno