Carulu Giovoni era un autori corsu.

Cuntenutu

BiugrafiaMudificà

 
U paesi di Guargualè

Carulu Giovoni nascì in Zonza u 5 aostu 1879. A so famiglia era urighjinaria d'Azilonu. A so zitiddina si passò in u paesi di Guargualè. Carulu Giovoni hè statu spiziali in Marseglia.

Hà cullaburatu à U Lariciu, una rivista bislingua. Era cunnisciutu dinò cù u nomu di "Carulu Giovoni da Bozi".

Hà cuminciatu in 1932 à publicà in L'Annu Corsu una traduzioni in virsetti di I Bucolichi di Virghjiliu. A virsioni finali ùn sarà stampata ch'è in 1960.[1] A qualità di 'ss'opara di traduzzioni hè stata ludata da a critica, tantu corsa ch'è francesa.[2]

Incù Dumenicu Antonu Versini, dittu Maistrali, hà fundatu l'effemeru ghjurnali Le Réveil Corse in 1914. Hà criatu dinò a rivista bislingua U Lariciu chì fù publicata insin'è 1939.

Carulu Giovoni fù dinò l'autori di parechji canzoni corsi di prima trinca: a "Canzona di a vadina"

« Sottu sottu à Guargualè
Corri corri una vadina
D’acqua fresca, lestra e fina,
È chì canta cusì bè. »

o "Ninni nanna" chì hè stata cantata da Marta Angelici è intarpritata da u gruppu Cantu di Cirnu in u 50:

« O la ricchezza di la so mammuccia
U me figliolu tisoru di mè
A ninninanna dighjà t’abbiuccia
Chjudi i to ochji chì veghju per tè.. »

o ancu "Lamentu Corsu", intarpritatu da Tino Rossi:

« In casa à mè nasci un bell'amore
In casa à mè canta lu russignolu
Ma sò dighjà culore di dolu
U rossignolu ùn pò campà »

Carulu Giovoni morsi in Aiacciu in 1963.

OpariMudificà

In francesuMudificà

  • La Corse druidique (1959)

In corsuMudificà

  • U me paisolu (1927)
  • I Profumi di l'Isula (1930)
  • Favule Corse (1962): incù una traduzioni in francesu da Luisa Leonelli

TiatruMudificà

  • A Merria è Fiffina: un' opara di tiatru in un attu
  • Ziu Carl'Andria di Carrughju in Paradisu: opara di tiatru in un attu

BibliugrafiaMudificà

  • Carulu Giovoni, I profumi di l'isula (1930), Marseglia, Edizioni di l'Annu Corsu
  • Carulu Giovoni, La Corse druidique (1959), Aiacciu, À l'ombra di u lariciu
  • Carulu Giovoni, Favule corse : da chjuchi è da maiò in dialettu taravesu (1962), Edizioni di u Lariciu
  • Desanti, Paulu, 1994, Un pueta taravesu : Carulu Giovoni, l’omu di a vadina, U Taravu, Archivi.
  • Ghjuvan' Maria Arrighi (2002) Storia di a lingua corsa, Edizioni Gisserot.

NotiMudificà

  1. Arrighi (2002), p. 120.
  2. Desanti (1994).

LiamiMudificà

Da veda dinòMudificà