Anton Francescu Filippini

Anton Francescu Filippini (San Nicolà, 14 lugliu 1908 – Oriolo Romano, 22 ottobre 1985) hè unu scrivanu corsu.

Strattu

A piazza San Niculà:

Sottu à le palme di San Niculà,

Quand'ella affacca a notte viuletta,

Ci si spasseghja più d'una civetta,

Più d'un mascu ci vene à dunnighjà.

Eo ci ghjunsi in brama di ciarlà :

Ci lasciai u me core fetta à fetta.

A più maiò ghjè tocca à Marietta,

A più bella figliola di u Mercà.

Or una vechja l'hè sempre à braccetta

Ch'ùn l'abandona mancu per spirà.

Ma ella furba cum'è una vulpetta,

Ghjunta à l'ombra, si volta eppò mi dà

Un'ochjata chì pare una saetta

Sottu à le palme di San Niculà.

Anton' Francescu Filippini (1940) Ballate corse, Roma : Modernissima
Anton' Francescu Filippini (1956) E mio Lune, Roma : Ed. S. Sciascia
Anton' Francescu Filippini (1969) Acqua d'Aprile, Roma : Cardini
Anton' Francescu Filippini (1970) À la silente riva, Roma : Cardini
Anton' Francescu Filippini (1980) A Bisaccia : favule vechje è nove, Aiacciu : La Marge
Anton' Francescu Filippini (1982) Belle Calende, Roma : Grafica Giorgetti
Anton' Francescu Filippini (1985) Prime puesie, Roma : Cardini
Anton' Francescu Filippini (1992) Flumen Dei, Marzocchi

I scrivani in lingua corsa