Sigmentu

In giumitria un sigmentu hè una parti di retta dilimitata da dui punti, ditti estremi.

I punti A è B dani urighjina à un sigmentu (culori verdi)

Quandu i dui estremi si trovani annantu à una curva, u sigmentu hè dittu corda. Quandu i dui estremi sò i vertici d'un puligunu, u sigmentu hè dittu latu s'è i dui vertici sò aghjacenti, altrimenti hè dittu diagunali.

U sigmentu, generalamenti, s'indicheghja incù dui lettari maiusculi di u salteriu, posti à l'estremi (indicati da 2 punti). Essendu una linia, si pò indicà ancu incù una lettara minuscula posta frà i dui estremi, ancu s'è sta nutazioni ùn hè micca prubbiamenti curretta.

Tarminulugia

Dui sigmenti sò cunsicutivi s'eddi t'ani un estremu in cumunu è nissunu altru puntu.
Dui sigmenti si dicini cungruenti s'eddi si poni soprappona in modu ch'eddi cuincidini puntu par puntu.
Dui sigmenti cunsicutivi sò aghjacenti s'eddi appartenini à listessa retta.
Dui sigmenti sò esterni s'eddi ùn ani micca punti in cumunu
Dui sigmenti si dicini incidenti quand'eddi ani un solu puntu in cumunu, dittu d'intarsizioni, chì ùn hè micca estremu par tremindù
Dui sigmenti si dicini cuincidenti s'eddi ani tremindù l'estremi in cumunu.
Dui sigmenti sò soprapposti s'eddi ani un estremu in cumunu è tutti i punti di unu (quiddu minori) sò in cumunu incù i punti di l'altru sigmentu.

Difinizioni astratta

In algebra liniari si pò intruducia un cuncettu primitivu di sigmentu, custruitu in un ambienti genericu è astrattu com'è un spaziu vitturiali: si difinisci "sigmentu" un sottuinsemu L di un spaziu vitturiali riali V chì pò essa discrittu com'è : $L=\{\mathbf {u} (1-t)+t\mathbf {v} \mid \mathbf {u} ,\mathbf {v} \in V,t\in [0,1]\}$ L'estremi di L sò eppo difiniti com'è i vettori $\mathbf {u}$ è $\mathbf {v}$ . Un sigmentu (chjusu) di estremi $\mathbf {a}$ è $\mathbf {b}$ pò essa indicatu incù a scrittura $[\mathbf {a} ,\mathbf {b} ]$ , analoga à a nutazioni imprudata in u casu 1-diminsiunali par l' intarvalli di $\mathbb {R}$ .

Da vede dinò

Fonti

'Ss'articulu pruveni in parti o in tutalità da l'articulu currispundenti di a wikipedia in talianu.