Museu di Bastia

U museu di Bastia si trova in u quartieru di a citatella, in i lochi di l'anzianu palazzu di i guvernatori. Hè un museu municipale, chì tratta di a storia di a cità di Bastia . Ci sò dinù mostre tempuranee chì sò urganizate ogni annu.

U palazzu

U Palazzu di i Guvernatori, hè un munumentu storicu di a cità di Bastia, à u core di u quartieru storicu di a citatella . Era a residenza di i guvernatori ghjenuvesi, dopu cù i Francesi hè diventatu una caserma militare è oghje un museu.

A facciata sud di u Palazzu di i Guvernatori

A prima furtificazione data di l'annu 1380, quandu u guvernatore ghjenuvese Leonello Lomellini fece custruisce una furtificazione mudesta, un picculu castellu nant'à un promuntoriu vicinu à a cala di Ficaghjola è a marina di piscadori di Portu Cardu, detta bastia o castellu della bastia.

Ma hè un seculu dopu à a so creazione chì a torre iniziale divintò a residenza di i guvernatori. U palazzu allughjava l'appartamenti di u guvernatore. Era u so locu principale di residenza. Era ancu a sede di a corte di ghjustizia. Ci era una caserma pè i suldati, parechje cappelle. C'era dinù parechje cellule di prigiò particularmente insalubre. Ci era ancu parechje cisterne per l'acqua .

E cullezzione

U tema di u museu di Bastia hè quellu di a storia di a cità, piazzata in a storia di a Corsica. Trè assi spiccanu : a storia urbana di Bastia, Bastia cum'è centru di putere (Ghjenuvese, Anglu-Corsu è dopu francese), è infine e cullezzione Fesch è Carlini.

A storia urbana di Bastia

E prime sale sò cunsacrate à a storia urbana di Bastia. Pudemu seguità a so evuluzione in u tempu à traversu una seria d’opere d’arte chì rapresentanu a cità à diverse epiche. Scupremu in particulare l'influenza ghjenuvese in l'urbanisimu è l'architettura.

stanza 1 : Bastia, mudellu di e cità corse di u liturale

Bastia ùn era ch'è una piccula marina di piscadori nanzu ch'elli ghjunganu i Ghjenuvesi. In l'anni 1378-1380, Leonello Lomellini, cummerciante ligure, face custruisce una furtificazione, chjamata Castello della Bastia o Il Fortino po a Bastia in u locu di l'attuale Citadella . Bastia hè natu. Hè custituitu da una cità alta, Terra Nova, di fronte à a cità bassa, più vechja, Terra Vechja ^[1] .

Mudellu di a cità di Bastia : Terra Nova è Terra Vechja

Vista di Bastia da Toga, di Louis-Auguste Lapito (1844)

Vista di Bastia, Michel Storelli, 1863

Lastra di a funtana di Ficaghjola, 1488. Cita u nome di u guvernatore ghjenuvese di l'epica, Raffaello Grimaldi.

Lastra di una funtana datata di u 1514, situata carrughju di u Colle in Bastia. L'iscrizzione si riferisce à u guvernatore Francesco Salvago. Si vede San Ghjorghju, patrone di Ghjenuva, chì tomba u dragone

Vista di Bastia, Lucien Peri, prima metà di u XXu seculu seculu, museu di Bastia

sala 2 : Trà Terra Vechja è Terra Nova

A cità di Bastia hè strutturata intornu à i dui quartieri di Terra Nova, a cità alta circundata da i bastioni di a Citatella, è di Terra Vechja, a cità bassa, cità aperta cù u so portu. Da a fine di u XVIIIu seculu, sti dui quartieri diventanu emblematiche di l'identità di Bastia. Sò stati immurtalizati da tanti artisti corsi, francesi è stranieri ^[1] .

Frédéric Bourgeois de Mercey, vista di u Vechju Portu di Bastia, 1839
Tony Cardella, vista di u Vechju Portu di Bastia, 1938

Bastia, litografia di Bourgeois de Mercey, 1860

Carrughju di Bastia, Albert Gillio, prima metà di u XXu seculu

Vista di u Vechju Portu di Bastia, Albert Gillio, 2 quartu di u XXu seculu

sala 3 : Fiure d'una cità corsa

Parechje opere chì rapresentanu à Bastia si ponu vede in sta sala, cum'è i quadri di u pittore Albert Gillio (1892-1964).

sala 4 : Una cità marcata da influenza ligure

Fundatu da i Ghjenuvesi à a fine di u seculu XIV, Bastia hè mercata di manera prufonda da l'architettura ligure. E case di u Vechju Portu è di a Citatella ne portanu sempre tracce, cum'è l'usu di l'ardesia nera impurtata da u rughjone di Lavagna, o i decoru di i purtò, tippici di u rughjone di Ghjenuva ^[1] .

Soprusciu in teghja (ardoise) di Lavagna di A Casetta, in Citatella

Purtò di a casa di a famiglia Levanto, situata in u quartieru di u Vechju Portu di Bastia, datata u 1618.

Funtana di marmeru cù l'arme di a famiglia Zerbi, in Bastia, XVII seculu

sala 5 : Un stile di vita urbanu talianu

Da a fine di u XVIu seculu à u principiu di XVIIIu seculu, Bastia hè l'esempiu d'una cità marcata da l'influenza taliana. A cità face parte di u Dominio Ghjenuvese ma hè vicina di a Tuscana. Si sviluppa una nutabilità chì s'arricchisce cù i scambii cun l'Italia. I scambii si facenu dinù pè i studii : Hè u tempu chì i ghjovani corsi vanu à furmassi in l'università di Pisa, Roma o Bologna.

Sta sala presenta mobili è ogetti truvati in Bastia è chì venenu da l'attelli taliani ^[1] .

Piatti liguri (Ghjenuva è Albisola) è tuscani (Montelupo), di u seculu XVI à u seculu XVIII

Bastia centru di i puteri

E sale situate à u pianu supranu sò dedicate à Bastia cum'è u centru di u putere. Bastia era a capitale di a Corsica à l'epica genuvese, è u palazzu era a residenza di u guvernatore di Corsica. E sale chì seguitanu ci mostranu a piazza di Bastia in e rivoluzione di Corsica, dopu a francizazione sott'à a Rivuluzione è infine l’Imperu ^[1] .

sala 6 : Bastia, capitale di a Corsica ghjenuvese

À u seculu XIlI, Ghjenuva piglia u cuntrollu di a Corsica. Tandu, a Republica era una putenza e più forte in u Mediterraniu, è pussede numerosi territorii : hè u Dominio Ghjenuvese . Da u 1562 à u 1769, Bastia diventa a sede di u putere ghjenuvese. Esciutu di a nubiltà ghjenuvese, u Guvernatore avia un gran putere. Assicura l'applicazione d'una legislazione specifica in Corsica : les Statuti civili et criminali . A pupulazione corsa hè rapresentata da i notabili, i « Nobili Dodici » è i « Nobili Sei ». In u 1637, i Genuvesi stabiliscenu a Corsica cum'è un regnu, u Regno di Corsica, è Bastia ne diventa a capitale. A Corsica occupava dunque un locu speziale ind’è u duminiu genuvese. À u principiu di u seculu XVIII seculu, cresce a tensione in Corsica. Purteranu à a ruttura cù Ghjenuva : hè a guerra di 40 anni (1729-1769) ^[1] .

Tandu, à a fine di u 17u seculu è à u principiu di u 18u seculu, Bastia hè a cità a più impurtante, a più ricca, è a più bella di Corsica. Cuncentra tutti i puteri : amministrativu (cù u guvernatore), ghjudiziariu (cù u vicariu), religiosu (cù u vescu), ecunomicu (ci sò assai grandi cummercianti).

In sta sala si ponu vede i simbuli di u putere ghjenuvese. San Ghjorghju, chì hè u patrone di a cità, hè rapresentatu in traccia di tumbà un dragone. Rapresenta a vittoria di u bè nant'à u male. Hè una fiura chì si vede spessu nant'à e case pè i carrughji di Ghjenuva.

U stemma di a cità hè una croce rossa nant'à un fondu biancu. Sta croce si chjama croce di San Ghjorghju. Si ritrova nant'à a bandera di parechji paesi (Inghilterra, Georgia...) è nant'à u stemma di parechje cità taliane (Milanu, Monza, Bologna...). In Corsica si truvava nant'à u stemma di Bastia (si pò vede in a sala 1).

A croce rossa hè tenuta da dui grifoni : un animale miticu, una testa è l'ale d'una acula cù un corpu di leone. Prutegenu a cità di Ghjenuva.

I simbuli di u putere genuvese
Chjave di una sala di u palazzu chì rapresenta à San Ghjorghju chì tomba u dragone ( XVIu seculu )
Sedione cù l'emblema di a Republica di Ghjenuva (circa 1575-1600)
L'arme di a Republica di Genuva : a croce di San Ghjorghju circundata da dui grifoni. Issu frontone era nant'à a facciata di a chjesa di u cunventu di i missiunarii lazaristi in Bastia (1719).

Lastra di u guvernatore Camillo Moneglia, 1619-1620

A pittura di u doge Luca Giustiniani hè stata fatta da u pittore olandese Cornelis de Wael (1592-1667). L'opera hè stata creata trà u 1644 è u 1646. U doge hè rapresentatu in vestiti cerimoniali : u mantellu d'ermine, cun culori di purpure è d'oru. Ma sopr'à tuttu tene un scettru è nant'à u so capu ci hè una curona. Mostranu chì u Doge hè rapresentatu cum'è rè di Corsica.

In u 1637 Ghjenuva hà fattu di a Corsica un reame (Regno di Corsica), è di fatti u doge porta u titulu di "Rè di Corsica". Bastia ne diventa a capitale, hè tandu a cità s'imbellisce assai. Assai sforzi sò fatti per ingrandà, decurà, imbellisce i palazzi, e chjese, e cappelle, i cunventi di Bastia.

In fondu si vede u stemma di a famiglia Giustiniani. Chì face dì u direttore di u museu bastiacciu Sylvain Gregori : " In stu dipintu, Luca Giustiniani hè difatti rapprisintatu cum'è un Doge di a Republica di Ghjenuva ma dinù cum'è un rè di Corsica : ùn ci hè ch'è da vede i so attributi chì sò a curona, u scettru è u mantellu d'ermine. Ci permette di parlà un pocu d'una partie scunnisciuta di a storia di l'isula è mette in risaltu, in una luce nova, i rilazioni di a Corsica cù i so territorii periferiali italiani è soprattuttu a Liguria. Luca Giustiniani ellu stessu hà campatu in u Palazzu di i Guvernatori"

Pittura di u doge Luca Giustiniani, da Cornelis de Wael (seculu XVII) chì porta u titulu di rè di Corsica

sala 7 : L'elite bastiacce à l'epica muderna

Sott'à i Ghjenuvesi, ci hè una forte immigrazione ligure versu a Corsica chì hè tandu pocu pupulata. À a so fundazione, Bastia hè una cità aperta à e pupulazione corse è ghjenuvese. Ci hè un veru imbuleghju. Ma certe cariche sò riservate à i ghjenuvesi, ciò chì face chì parechji Corsi si mettenu à u serviziu di prìncipi o di stati stranieri senza rompe cù i so ligami isulani ^[1] .

sala 8 : Guerre è rivuluzione à u 18u seculu

Pittura di Zampaglinu chì sona di culombu

U seculu XVIII hè un periudu tribulatu. Schjattanu e rivolte in u 1729 contr'à u putere ghjenuvese, chì dumanda l'aiutu da putenze straniere (austriachi è francesi). E rivolte sboccanu nant'à a nascita di un statu corsu indipendente in u 1755, cun Pasquale Paoli. Corti diventa capitale. Una muneta, una stamperia naziunale, un'università, un'armata è una cunsulta sò create. Bastia ferma un centru di putere ghjenuvese chì a so autorità hè limitata à territorii liturali. In u 1764 i Ghjenuvesi chjamatu l'aiutu di i Francesi. In u 1768 Ghjenuva cede a Corsica à a Francia. E truppe di Paoli è quelle di u rè di Francia s'affrontanu di maghju di u 1769, è dop'à a battaglia di Pontenovu, Paoli parte in esiliu in Gran Brittagna.

U culombu, chjamatu dinù cornu o conca diventa u simbulu di i rivultati chì sonanu di stu strumentu nanz'à e battaglie. U sonu sinistru di u culombu face a paura à i nemichi.

U culombu, chjamatu dinù cornu o conca

Ma cù a rivuluzione francese, volta in Corsica in u 1790. Sbarca in u portu di Macinaghju, in Capicorsu. Tandu hè à prò di l'idee di a Rivuluzione francese. Ma a ripressione ch'ellu trova troppu dura ùn li piace micca è piglia e so distanze cù a Francia.

In u 1794, à a dumanda di Paoli, l'inglesi sbarcanu in Corsica è scaccianu i Francesi. Hè u tempu di u Reame anglocorsu (1794-1796) ^[1] .

Nant'à u stemma di u reame anglocorsu, si vedenu i simbuli di u Reame Unitu è quellu di a Corsica (a testa di moru). Sottu ci hè a spressione "Amici non di ventura". Hè una frasa chì si trova in l'infernu di Dante. Hè stata prununziata da u vicerè di Corsica, Sir Gilbert Elliot, durante u so discorsu quandu u reame hè statu creatu. Stu pannellu era quellu di u scagnu di l'affari maritimi. Hè bislingu inglese è talianu : "The Marine Office - Scagno della Marina".

Ma Pasquale Paoli hè dillusu di l'azzione di Sir Gilbert Elliot è i dui omi ùn si sentenu micca. U reame ùn durerà ch'è dui anni. In u 1796, i Francesi sò di ritornu in Corsica è l'inglesi si ne vanu. Pasquale Paoli si ne và definitivamente in Londra, induv'ellu more in u 1807.

Ritrattu di Pasquale Paoli da Ignace-Louis Varese (1797-1852)
Stemma di u Reame Anglocorsu

Pittura di Sir Gilbert Elliot

sala 9 : U Primu Imperu è u principiu di a francisazione

Bustu di Napuleò

Dopu à u 1796, a Corsica passa di manera definitiva sott'à a suvranità francese. Ma ùn vole micca dì chì l'integrazione à a Francia s'hè fatta di manera rapida. A lingua corsa hè parlata da l'inseme di a pupulazione è u talianu ferma a lingua di u scrittu è di l'ammnistrazione. Sott'à u Primu Imperu (1804-1815), a cuntestazione hè repressa di manera assai dura. L'armata diventa un rollu d'integrazione di i Corsi chì facenu carriera. E famiglie ricche accedenu à a nubiltà è si francizeghjanu cusì.

Sott'à Napuleò, hè a cità d'Aiacciu chì piglia u titulu di capitale di a Corsica à u prufittu di Bastia. Hè cusì chì una rivolta schjatta in u 1814 in Bastia, contr'à Napuleò in un cuntestu di crisa ecunomica.

Pocu à pocu, u prucessu d'integrazione à a Francia si face ma ci sò sempre forme di spressione è di resistenza culturale chì anu per scopu a difesa di l'identità corsa.

sala 10 : Bastia, cità marittima

Baullu di marinaru capicursinu

Visya di u Vechju Portu di Bastia, Léon Charles Canniccioni, 1938

sala 11 : Bastia, una rivuluzione industriale mediterranea

sala 12 : L'influenza ghjenuvese in l'arte religiosa corsa

A Madunnetta, Madonna di Savona, statua in marmeru intagliata, scola genuvese, circa 1670-1671

Madonna di i Sette Dulori, Scola Ghjenuvese, XIXu seculu, scultura di legnu.

sala 13 : Un'arte religiosa corsa, culti è devuzione

Gruppu prucessionale di Sant'Eramu, anonimu, da a chjesa di San Giovanni Battista, XVIII seculu seculu

sala 14 : A lascita Sisco, un seculu di vita artistica corsa

Natu in Bastia in u 1748, Giuseppe Sisco hà studiatu medicina in Roma prima di esse numinatu prufessore di chirurgia à l'Università di La Sapienza . Diventa dopu u medicu di i papa. À a so morte in u 1830, lascia a maiò parte di a so furtuna à a so cità nativa. U so testamentu stipuleghja chì sta lascita deve permette di finanzà borse di studii in Roma per giuvanotti nati in Bastia è chì volenu fà studii di dirittu, medicina o d'arte belle. Da u 1841 à u 1933, sò cuncesse 50 borse : 12 per a medicina, 1 pè u dirittu, 37 per l'arte belle (22 in pittura, 4 pè a scultura, 11 pè l'architettura).

Di ritornu in Corsica, st'artisti chì si sò impregnati di a cultura taliana diventeranu architetti, pittori è scultori. Durante guasi un seculu, e so opere alimentanu u mercatu di l'arte corsu è danu nascita à una scola artistica impurtante. Si pò cità : Paul-Augustin Viale, Louis Pellegrini, Albert Gilio, Jean-Mathieu Pekle, Louis Patriarche, Ange Varese, Emile Cambiaggio

Landscape in Cap Corse, Albert Gillio, trà 1930 è 1960

stanza 15 : Bastia, centru culturale

stanze 16 è 17 : A cullezzione Fesch

sala18 : A cullezzione Carlini

Mostre tempuranee

Ogni annu u museu bastiacciu presenta una mostra nova.

2011 : Jean-Mathieu Pekle, u scultore di Corsica (1868-1956) ^, ^[2]
2013 : Théodore de Neuhoff, rè di Corsica, principe di chimera ^, ^[3]
2014 : Louis de Casabianca, una mudernità corsa ^, ^[4]
2016 : Corsica Genovese : A Corsica à l'epica di a Republica di Genuva XV XV ^, ^, ^[5]
2017 : Sicreti di naufragi, 50 anni d'archeologia subacquea in Corsica ^, ^[6]
2018 : I Corsi è e migrazioni XVII 17-21 seculi ^, ^[7]
2019 : Corsica Imperiale, Napulione III è Corsica ^, ^[8]
2021 : Banditi ! Brigandage et banditisme Corse-Italie, 1600-1940
2022 : Mare Furiosu : Pirati è corsari in u Mediterraniu XVI XVI
2023 : Corsica 39-45 : I Corsi è a Siconda Guerra Munniali (1939-1945) ^,
2024 : Corsica Rumana : Isula mediterranea à l'epica rumana ^,

Note è referenze

↑ ^1,0 ^1,1 ^1,2 ^1,3 ^1,4 ^1,5 ^1,6 ^1,7 Musée de Bastia., Bastia, une histoire revisitée : catalogue général des collections exposées, Musée de la Ville de Bastiaª ed., DL 2011. ISBN 978-2-9536413-2-5, OCLC 795439455.
↑ Cornetto, Élisabeth, 1951- ...; Gregori, Sylvain, 1974- ...; Jurquet, Ariane, 1965- ..., Jean-Mathieu Pekle, le sculpteur de la Corse, 1868-1956 : [exposition, Bastia, Musée de Bastia, 25 juin-31 décembre 2011], Musée de Bastiaª ed., DL 2011. ISBN 2-9536413-4-3, OCLC 780246664.
↑ Meistersheim, Anne,; Musée d'ethnographie corse,, Théodore de Neuhoff : roi de Corse, prince des chimères. ISBN 2-9536413-8-6, OCLC 881687828.
↑ Casabianca, Louis de.; Musée d'ethnographie corse., Louis de Casabianca, 1904-1976 : une modernité corse, Musée de Bastiaª ed., 2014. ISBN 2-9536413-9-4, OCLC 925507045.
↑ Graziani, Antoine-Marie, 1957-, Corsica genovese : la Corse à l'époque de la République de Gênes, [[:Template:Sp-]]. ISBN 979-10-93686-03-5, OCLC 1020706669.
↑ Ville de Bastia., Secrets d'épaves : 50 ans d'archéologie sous-marine en Corse. ISBN 979-10-93686-04-2, OCLC 1121473809.
↑ Musée de Bastia., Identità, les Corses et les migrations : [[:Template:Sp-]]. ISBN 979-10-93686-05-9, OCLC 1112270601.
↑ Musée de Bastia,, Corsica imperiale : Napoléon III et la Corse, 1851 - 1870. ISBN 979-10-93686-06-6, OCLC 1134779758.

Da vede

Bastia
Citadella di Bastia
Palazzu di i guvernatori
Lista di i munumenti storichi di Bastia

Bibliografia

Museu di Bastia, Bastia una storia rivisitata : catalogu generale di e cullezzione esposte, Museu di a cità di Bastia, 2011ISBN 9782953641325

Ligami esterni

U situ ufficiali di u museu bastiacciu Archiviu 2022-01-02 at the Wayback Machine
U museu di Bastia : un viaghju educativu

[:1-1] 1,0 ^1,1 ^1,2 ^1,3 ^1,4 ^1,5 ^1,6 ^1,7 Musée de Bastia., Bastia, une histoire revisitée : catalogue général des collections exposées, Musée de la Ville de Bastiaª ed., DL 2011. ISBN 978-2-9536413-2-5, OCLC 795439455.

[2] Cornetto, Élisabeth, 1951- ...; Gregori, Sylvain, 1974- ...; Jurquet, Ariane, 1965- ..., Jean-Mathieu Pekle, le sculpteur de la Corse, 1868-1956 : [exposition, Bastia, Musée de Bastia, 25 juin-31 décembre 2011], Musée de Bastiaª ed., DL 2011. ISBN 2-9536413-4-3, OCLC 780246664.

[3] Meistersheim, Anne,; Musée d'ethnographie corse,, Théodore de Neuhoff : roi de Corse, prince des chimères. ISBN 2-9536413-8-6, OCLC 881687828.

[4] Casabianca, Louis de.; Musée d'ethnographie corse., Louis de Casabianca, 1904-1976 : une modernité corse, Musée de Bastiaª ed., 2014. ISBN 2-9536413-9-4, OCLC 925507045.

[5] Graziani, Antoine-Marie, 1957-, Corsica genovese : la Corse à l'époque de la République de Gênes, [[:Template:Sp-]]. ISBN 979-10-93686-03-5, OCLC 1020706669.

[6] Ville de Bastia., Secrets d'épaves : 50 ans d'archéologie sous-marine en Corse. ISBN 979-10-93686-04-2, OCLC 1121473809.

[7] Musée de Bastia., Identità, les Corses et les migrations : [[:Template:Sp-]]. ISBN 979-10-93686-05-9, OCLC 1112270601.

[8] Musée de Bastia,, Corsica imperiale : Napoléon III et la Corse, 1851 - 1870. ISBN 979-10-93686-06-6, OCLC 1134779758.

[1]

[2]

[3]

[4]

[5]

[6]

[7]

[8]