Carrughju Napuleò (Bastia)

U carrughju Napuleò, in francese rue Napoléon, hè un carrughju di Bastia, situatu in u quartieru di Terra Vechja.

Era a via principale di a cità nanzu à a a custruzzione di i casali di A Traversa (boulevard Paoli).

U carrughju hè statu difesu à e vitture. Hè diventatu pedunale in u 2013^[1]. Oghje ci si trovanu parechji cummerci, sopr'à tuttu alimentarii^[2].

Situazione

E Terrazze

U carrughju Napuleò principia à u nordu in cima di a piazza Santu Niculà. Si compie à meziornu da E Terrazze, in francese rue des Terrasses.

Parechji carrughji ci sboccanu :

Carrughju Jean Casale
Carrughju San Roccu
Carrughju di l'arillogiu à sole (rue Neuve Saint-Roch)
Carrughju Jacques Faggianelli
Carrughju di a Cuncezziò
Carrughju Funtana Nova
E Terrazze (rue des Terrasses)

Lastra di u carrughju di l'arillogiu à sole

E Terrazze

Carrughju San Roccu

Munumenti

Ci sò duie chjese situate carrughju Napuleò : San Roccu è A Cuncezziò.

San Roccu
A Cuncezziò

Lochi d'interessu

À u numeru 13, sopr'à u purtone di u casale ci hè un bassurilievu chì rapresenta una Madonna di l'Immaculata Cuncezzione. Fatta di marmeru biancu, hè di u XVIIIu seculu.

U bassurilievu di a Madonna in marmeru

À u numeru 11, sopr'à a porta d'entrata ci hè un bassurilievu in teghja chì rapresenta dui griffoni. Portanu un stemma.

Dui griffoni chì portanu arme

À u numeru 8 ci hè una piccula statua chì rapresenta à Santa Catalina d'Alessandria.

Catalina d'Alessandria

À u numeru 9 si vede un balcone in ferrru à u quintu pianu. Ci si vede un fiore di gigliu stazzunatu, simbulu di a munarchia francese. Si pò dunque datà trà u principiu di a cunquista francese (1768) è a rivuluzione (1789).

U balcone stazzunatu

Da vede dinù

Note

[1] ttps://www.alta-frequenza.corsica/actu/la_nouvelle_rue_napoleon_inauguree_aujourd_hui_a_bastia_65827

[2] ttps://www.corsematin.com/articles/la-rue-napoleon-va-devenir-le-pole-alimentaire-de-bastia-122997

[1]

[2]