27 di ghjennaghju

Avenimenti

Nascite

Morti

Celebrazioni

Ligami esterni

In Corsica

Santi

U 27 di ghjennaghju hè u 27^u ghjornu di l'annu in u calendariu gregurianu. Restanu 338 ghjorni à a fine di l'annu (339 sì hè bisestile).

1945 - Siconda Guerra Mundiale, Polonia: Truppe suvietiche libarani u campu di cuncentramentu di Auschwitz.

1756: Wolfgang Amadeus Mozart, musicante austriacu

1901: Giuseppe Verdi, cumpusitore talianu

Santa Divota. Santa Anghjula Merici.

Divota hè a santa patrona di a Corsica è di a principalità di Monacu. Secondu vechji scritti, tradizioni è legende, eccu ciò chì pò esse a so storia:

Divota serebbi nata nantu à l'attuale territoriu di a cumuna di Lucciana, in un locu chjamatu Querciu, à quattru chilometri da l'antica cità di Mariana, versu a muntagna.

Hè stata allevata da una balia cristiana è, cù d'altre cristiane, andava à pregà in a grotta di a Nepiticcia chì si trova accantu à u paese di u Borgu.

Era prutetta da un certu Ticchiu, patriziu è senatore. Tandu - simu à u principiu di u seculu Terzu - a Corsica dipendia da u prefettu rumanu di a Sardegna, chjamatu Barbaru.

Quandu Barbaru ghjunse in Mariana, dumandò chì omu li metti in manu i cristiani. Ticchiu ricusò è fù avvelenatu.

Divota more marturiata. Tandu, un prete è un diacunu arrubanu u so cadaveru, u imbalsameghjanu, u mettenu nantu à una barca per purtallu in Africa, ma una culomba guida a barca versu u portu d'Ercule, l'attuale Monacu, trà Nizza è Vintimiglia. E' cusì hè stata sepolta culà.

A' u XVIImu seculu, i Ghjesuiti di Bastia anu ottenutu qualchì reliquia di a santa.

In u 1731, i patrioti corsi in guerra contru à Genuva, aduniti in u cunventu di u Boziu, anu pruclamatu à Santa Divota prutettrice di u Regnu di Corsica.

U 14 marzu 1820, a Sacra Cungregazione di i Riti hà fattu di Santa Divota a Patrona principale di a Corsica, cù festa doppia è uttava.

Etimolugia: da u lat. devotus" ( fidatu, divotu).

Casate: Devoti.

Nomi: Devote, Divota, Divotu.

Paesi è cità: Monacu. In Corsica: Petranera.

Anghjula Merici hè una santa taliana nata in Desenzano in u 1474, morta in Brescia in u 1540.

Orfana à sedeci anni, bella è ricca, avia decisu di cunsacrassi à l'educazione di e zitelle. Passò trentacinque anni à amparalli a duttrina cristiana è po, cinque anni nanzu di more, riescì à creà un istitutu ch'ella dedicò à Santa Orsula. Nascì cusì a prima cungregazione insegnante d'Europa.

L'Ursuline eranu sore libere, senza nisunu ingagiamentu. Nè mancu purtavanu una vestura particulare cum'è l'altre sore. Ricevianu e zitelle in i so munasteri, è andavanu dinù à fà scola in e case.

Dopu à a morte d'Anghjula Merici, a Chjesa ubligò l'Ursuline à avè una disciplina... è una vestura.

Cf S. Anghjulu, 5 maghju.[1]

Ghjennaghju

Storia di a Corsica Archiviu 2006-07-28 at the Wayback Machine
Almanaccu Adecec 2007 Archiviu 2007-02-12 at the Wayback Machine