Rettangulu
In giomitria, u rettangulu (o rittangulu) denota u quatrangulu cù tutti i so anguli interni congruenti (è dunque ritti).
Da sta definizione segue ch'è in un rettangulu ognunu di i dui coppii di lati opposti hè custituita da lati congruenti; in altre termini, i rettanguli sò parallelogrammi particulari. I rettanguli sò ancu quadranguli ciclichi specifichi: ponu esse definiti cum'è i quadranguli ciclichi avendu cum'è diagunale dui diametri di u cherchju circuscrittu.
U quatratu hè un tipu di rettangulu particulare, caratterizatu d'avè tutti i quattru lati congruenti. Di manera equivalente si dice ch'è l'inseme di i quatrati hè l'intersezione di l'inseme di i rettanguli cù l'inseme di i rombi.
Per sottulineà ch'è un rettangulu ùn hà micca tutti i so lati congruenti cum'è un quatratu, si dice ch'è un rettangulu hè una figura oblunga. Quandu si prisenta un rettangulu in u pianu cartesianu è chì questu hà dui lati sensibilmente più longhi di l'altri dui è disposti orizontalmente, si tratta tandu di rettangulu largu; s'è invece i lati più longhi sò disposti verticalmente si parla di rettangulu altu o di rettangulu suttile. A lunghezza di i dui lati opposti più longhi hè chjamata lunghezza o basa di u rettangulu, mentre a lunghezza di i dui lati più corti hè chjamata larghezza o altezza. Si dice tandu ch'è l'area di un rettangulu hè data da u produttu di a so lunghezza per a so larghezza, o puru da u produttu di a so basa per a so altezza. Per esempiu l'area di urettangulu 5 per 4 presentatu in a prima figura hè 20, in quantu 5 × 4 = 20.
S'è invece a basa è l'altezza di un rettangulu si denotanu rispettivamente cù è per a so area è per u so perimetru si hà
Altri usi
mudificàIn giomitria si usa ancu rettangulu cum'è aghjettivu per specificà parechje figure geometriche.
- u Triangulu rettangulu: hè un triangulu cù un angulu rittu.
- u Trapeziu rettangulu: hè un trapeziu cù un angulu rittu (è dunque cù dui o quattru anguli ritti).
- u Prisma rettangulu: hè un prisma limitatu cù e base ortogunale à e facce laterale.
- a Piramide rettangula è una piramide limitata cù a basa custituita da una figura piana dutata di un centru di simmetria è u segmentu trà u vertice è u centru di simmetria ortogunale à a basa.