Pruvincia di Tarranoa è Tempiu
A pruvincia di Olbia-Tempiu (pruìncia di Tarranóà-Tèmpiu in gadduresu, provìntzia de Terranòa-Tèmpiu in sardu) hè una pruvincia taliana di a Sardegna. Affacciata à nordu nantu à i bocchi di Bonifaziu, un strettu canali ch a sipara da a Corsica, è à livanti annantu à u mari Tirrenu, cunfina:
- à punenti incù a pruvincia di Sassari,
- à sudu incù a pruvincia di Nuoru.
Conta glubalamenti 26 cumuni incù una pupulazioni di 159.141 abitanti (u 9,5% di a pupulazioni sarda) è si stendi par 3.397 km² (u 14,1% di u tarritoriu sardu).
Tarritoriu
mudificà
U tarritoriu pruvinciali cumprendi a rigioni storica di a Gaddura (eccittuatu i cumuni di Viddalba è Erula, chì sò firmati in Pruvincia di Sassari), inclusa a costa nordu-uriintali di a Sardegna (trà a quali a Costa Smiralda), l'Arcipelagu di a Maddalena. Sò inoltri cumpresi in a Pruvincia a parti sittintriunali di a rigioni storica di u Montacutu, una piccula parti di i Baronii è u virsanti uriintali di u Lavu di u Coghinas.
Di u tarritoriu pruvinciali facini parti 9 Sistemi Lucali di u Travagliu, sicondu a classificazioni uparata da l'ISTAT nantu à a basa di u Censimentu di l'annu 2001:
- Olbia (63.000 ab., inchjudi Olbia, Golfu Aranci, Loiri-Portu San Paolo, Padru, Telti, Monti, Annantu à Canali, Berchidda, Oschiri);
- Tempiu Pausania (21.500 ab., inchjudi Tempiu Pausania, Aggius è Bortigiadas, è ancu - in a Pruvincia di Sassari - Perfugas, Erula, Martis è Laerru);
- Calangianus (7.300 ab., inchjudi Calangianus è Luras);
- A Maddalena (14.800 ab., inchjudi A Maddalena, Palau, Caprera è Isula di Spargi);
- Santa Teresa Gaddura (5.400 ab., inchjudi Santa Teresa Gaddura è Aglientu);
- Arzachena (16.000 ab., inchjudi Arzachena, Luogosanto è Sant'Antoniu di Gaddura);
- Valledoria (10.800 ab., inchjudi Trinità d'Agultu è Vignola è Badesi, è ancu - in a Pruvincia di Sassari - Valledoria, Viddalba è Santa Maria Coghinas);
- San Tiadoru (9.800 ab., inchjudi San Tiadoru è Budoni, è ancu - in a Pruvincia di Nuoru - Torpè);
- Buddusò (6.400 ab., inchjudi Buddusò è Alà di i Sardi, è ancu - in a Pruvincia di Nuoru - Osidda).
In u tarritoriu di a pruvincia sò stati inoltri dilimitati un' Unioni di Cumuni è una Cumunità Montana:
- Unioni di i Cumuni "Alta Gaddura" (custituita da i cumuni di Tempiu Pausania, Aggius, Aglientu, Badesi, Bortigiadas, Calangianus, Luras, Luogosanto, Santa Teresa Gaddura è Trinità d'Agultu è Vignola)
- Cumunità Montana di u "Monti Acutu" (custituita da i cumuni di Alà di i Sardi, Berchidda, Buddusò, Monti, Oschiri è Padru). Parti di u tarritoriu di a Cumuna di Monti ricadi in Gaddura (Annantu à Canali).
Istituzioni novi pruvinci sardi
mudificàIn seguitu à a leghji rigiunali n. 9 di u 2001 è succissivi intigrazioni, hè stata effittuata una nova ripartizioni di u tarritoriu di a Rigioni Autunoma di a Sardegna, chì hà purtatu u numaru di i pruvinci da quattru à ottu. I mudifichi ani assuntu piena uparatività à parta da maghju 2005, quandu si sò svolti l'alizzioni par rinnuvà tutti i Cunsigli pruvinciali.
A Pruvincia di Olbia-Tempiu hè una pruvincia nova, custituita da:
- 24 cumuni pruvinenti da a Pruvincia di Sassari,
- 2 cumuni pruvinenti da a Pruvincia di Nuoru.
Cumuni
mudificàAppartenini à a pruvincia di Olbia-Tempiu i siguenti 26 cumuni:
- A Madalena - Agghju - Alà dei Sardi - Alzachena - Badesi - Bilchidda - Buddusò - Budoni - Bultigghjata - Caragnani - Figari - Locusantu - Loiri è Poltu Santu Paolu - Lu Palau - Lungoni - Lurisi - Monti - Oscari - Patru - Sant'Antoni - Santu Franciscu d'Aglientu - Santu Tiadoru - Tarranoa - Telti - Tempiu - Trinitai è Vignola
Fonti
mudificà'Ss'articulu pruveni in parti o in tutalità da l'articulu currispundenti di a wikipedia taliana.