L' isula di Caprera faci parti di l'arcipelagu di A Matalena, in a cumuna di A Matalena, situatu vicinu à a costa nordu uriintali di a Sardegna.[1] U so culminu hè u Monti Teialonu chì aghjunghji i 212 metri sopra à a suparficia di u mari. L'isula, cuntendu una superficia di u 15.7 km2, hè a siconda isula di l'arcipelagu dopu à quidda di A Matalena à a quali idda hè culligata da un ponti. Com'è altri isuli di l'arcipelagu, Caprera faci parti di u Parcu naziunali di l'arcipelagu di A Matalena custituindu cussì un parcu naturali estremamenti prutettu, induva puchissimi abitanti vivini tuttu l'annu.

Giugrafia mudificà

 
Scogli di granitu annantu à l'isula di Caprera

Di natura granitica, l'isula pussedi numerosi spazii buscosi, par u più di pina, è ancu maraviddosi litturali à rii incù splendidi vaddi rinosi altinarti incù elpali chì dani annantu à u mari. U culori di l'acqua hè d'un verdi cristaddinu intensa par via di a forza di i currenti chì parmetti di nittà a suparficia di l'acqua è di sbarazzà la di i particuli è di i graneddi di rena bianca.

 
U ponti chì leia A Matalena è Caprera

Turisimu mudificà

 
Cala Napulitana

Ci sò parichji spiaghji splendidi annantu à l'isula di Caprera. Si pò mintuvà:

  • Cala Napulitana
  • a spiaghja di U Relittu
  • Cala Andreani
  • Cala Sirena
  • Cala Garibaldi
  • Cala Purtesa
  • Cala Brigantina

Curiusità mudificà

 
Vista di l'isula di Caprera

U 12 di maghju 2007, u Ghjiru d'Italia di ciclisimu didicatu à l'aroi di i dui mondi hè passatu in Caprera par fistighjà u bicintinariu di a so nascita.

Centru di Vela mudificà

L'isula di Caprera aggronda una scola velica, a più impurtanti d'Italia, in u golfu di Portu Palma, chì hè stata fundata in u 1967.

Da veda dinò mudificà

Note mudificà

  1. 'Ss'articulu pruvene in parte da l'articulu currispundente di a wikipedia in francese.