Per le strade è li cammini

Per le strade è li cammini hè un cantu tradiziunale di Corsica. Hè un cantu natalescu, chì celebreghja a nascita di U Bambinu.

Calchì volta pà la machja

Travirsendu li giardini

A ghjente si hè messa in marchja.

Una lumera in le mane

Si ne vanu pian' pianinu

À lu son' di le campane

Chì li chjama lu Bambinu.

À lu son' di le campane

Chì li chjama lu Bambinu

In la ghjesgia alluminata

Di candele è di cironi

Ci sarà messa parata

Di vistuti di piloni.

In casa s'apre la botte

I fiadoni sò in tuvaglia

Vighjaremu tutt'a notte

Chì dumane ùn si travaglia.

Vighjaremu tutt'a notte

Chì dumane ùn si travaglia.