Omu di Cagna

L'Omu di Cagna hè un munimentu naturali di Corsica. Situatu à una altezza di 1217 metri, in i monti di Cagna, si cumponi di parichji cantona, l'unu annantu à l'altru. Sopra, ci hè un chjapponu chì pesa parichji tonni, più o menu tondu è largu parichji metri, in equilibriu annantu à una tola rittangulara.

L'Omu di Cagna

A vista annantu à l'Omu di Cagna da i caseddi di Naseu

U nomu Omu di Cagna veni da u fattu chì u munimentu naturali, vistu da luntanu, hà una forma antrupumorfa, u chjapponu subranu s'assumiddendu à u capu di un parsunaghju.

Itinerariu

Da u stradonu naziunali N196, si pidda u stradonu dipartimintali D50 è si ghjugni in Munacìa d'Auddè. Da quà, si và insinamenti à u paesi di Ghjannucciu. Da a parti suprana di u paesi, ci hè un stradeddu chì porta in circa dui ori è mezu, insin'à l'Omu di Cagna. Ci voli à cuntà un'ora è mezu par falà.

Citazioni

A muntagna di Cagna, vista da a turra d'Ulmetu

Accadi chì l'Omu di Cagna fussi mintuvatu in a cultura è in a litteratura corsa. Par asempiu:

• in 'ssu strattu di a canzona tradiziunali U lionu di Roccapina:

U lionu di Roccapina

Hà dittu à l'Omu di Cagna

S'è tù vardi la muntagna

Ié ti vardu la marina.

• o in a canzona l'Alta Strada di Canta u Populu Corsu:

Salutami l'Omu di Cagna

È l'Ospedale cun Bavella

Di lu Cuscionu la muntagna

Incù l'Alcudina per stella.

Liami

• Una videu di l'Omu di Cagna
• L'Omu di Cagna è u Lione di Roccapina, duie persunalità diverse assai. (Masai, RCFM

Da veda dinò

• u Lionu di Roccapina
• Listinu di i Monti di Corsica

I munimenti naturali di Corsica

Arcu di l'Ursini - Arcu di u Scandulaghju - Lionu di Roccapina - Omu di Cagna - Tafonu di u Cumpuleddu -