Canta U Populu Corsu hè un gruppu di musica corsu creatu in 1973.

Storia

Issu gruppu, fundatu da Ghjuvan'Paulu Poletti è Natale Luciani, hè cù I Muvrini à l'origine di u riaquistu di i canti in lingua corsa à pàrtesi da l'anni 1970. E canzone sò riprese di canti tradiziunnali (paghjelle, lamenti) è dinò creazione di u gruppu, qualchì volta cù un missaghju pulìticu testimuniendu di u so impegnu regionalistu, è po naziunalista specialmente in l'anni 70 è 80, ma sempre cù l'ambizione di salvà, di difende è di prumove e valore di a lingua è a cultura corsa.

Petru Guelfucci hà dinò participatu à u gruppu nanzu di cantà solu, listessu cà Ghjuvan'Marìa Pesce, fundatore di u gruppu I Chjami Aghjalesi o ancu Ghjuvan'Francescu Bernardini (I Muvrini). In quantu à Ghjuvan'Paulu Poletti chì hà scrittu assai testi pà u gruppu, raghjunghje u Coru Di L'Omi Di Sartè.

Discugrafia

Dischetti

1970

1975 : Eri, oghje, dumane
1976 : Libertà
1977 : Canti di a terra è di l'omi
1978 : A strada di l'avvene
1979 : Chjamu a puesia
1979 : Festa zitellina

1980

1981 : Théâtre de la ville
1982 : Ci hè dinù
1989 : In Cantu

1990

1995 : Sintineddi
1998 : Memoria

2000

2001 : Rinvivisce
2003 : 30 anni - Giru 2003
2005 : Bataclan
2009 : Sparte

2010

2013 : Altrimenti
2016 : Best Of (ammudernatu)

Cullaburazione

2018 : Ch'ellu Canti U Populu Corsu (cù Felì)