Lionu di Roccapina

U Lionu di Roccapina (o Lione di Roccapina) hè un munimentu naturali di Corsica. Hè situatu in u situ di Roccapina, annantu à a cumuna di Sartè. U lionu di Roccapina hè custituitu da parechji chjappona chì t'ani a forma di un lionu. Accantu à u Lionu, ci si trova a torra di Roccapina.

U Lionu di Roccapina

U situ di u Lionu: a Cala di Roccapina

Lighjenda

Ci hè una lighjenda assuciata à u situ di u Lionu di Roccapina. Sicondu 'ssa lighjenda, ci era un signori rinumatu par a so grandi bravezza chì campava quì. Par via di u so curaghju, i so numichi barbareschi l'aiani cugnumatu: "u Lionu di Roccapina". Ma accaditi chì un ghjornu ch'eddu era mossu à caccia, scuntrò una donna di una grandi biddezza è ni fubbi subitu amurosu persu. Ma era impussibuli par u signori di spusà la. Tandu, eddu, à l'addisperu, ni chjamò à a morti è subitu subitu, fù pitrificatu sopra à locu è ebbi a sumiglianza di un lionu.

Citazioni

A torra è u Lionu di Roccapina

Accadi chì u lionu di Roccapina fussi mintuvatu in a cultura è in a litteratura corsa. Par indittu, in 'ssu strattu di a canzona tradiziunali U lionu di Roccapina:

U lionu di Roccapina

Hà dittu à l'Omu di Cagna

S'è tù vardi la muntagna

Ié ti vardu la marina.

Liami

• U Lionu di Roccapina, Gusti di Corsica
• Roccapina U lionu, Bludimare

Da veda dinò

• a Torra di Roccapina
• l'Omu di Cagna

I munimenti naturali di Corsica

Arcu di l'Ursini - Arcu di u Scandulaghju - Lionu di Roccapina - Omu di Cagna - Tafonu di u Cumpuleddu -