Ippucrene

Ippucrene (o Ippucrena) (in grecu "Ιππουκρήνη o ‛Ιπποκρήνη), sicondu a mitulugia, hè una fonte sacra dedicata à e Muse annantu à u monte Elicone.

A fonte d'Ippucrene

Mitulugia

Alicone o Visita di Minerva à e Muse, da Joos de Momper, in u Museu Real de Bellas Artes de Amberes: si vede a fonte d'Ippucrene sottu a zampata di Pegasu

Sicondu a mitulugia, hè u cavallu alatu Pegasu, figliu di Medusa, chì ni fece sprizzà l'acqua per mezu d'una zampata in terra. A fonte d'Ippucrene era situata in u monte d'Alicone, à vinti stadi circa da u boscu ind'elle stavanu e Muse. A fonte d'Ippucrene hè u locu ind'elle ballavanu e muse è si bagnavanu prima di fà e so cantate. U monte d'Alicone hè situatu in l'attuale pruvincia di Beozia, in Grecia.

A fonte d'Ippucrene hè dinù u simbulu di a puesia stessa. Difatti, l'esprissione "abbiverà si à a fonte d'Ippucrene", com'è à a fonte vicina d'Aganippa, significheghja cultivà a puesia.

Citazione

A fonte d'Ippucrene hè citata qualchì volta da l'autori corsi. Hè citata da Paulu Matteu di la Fuata in a so puesia A natura hè tutta in festa:

« Ci n'hè più fresca di quidda dla Scaledda ? Dlu Quarracciu, dla Sarra, dla Strimedda ? La Castalia è l'Ippucrena Poni mettasi cun edda ? Ùn ci pò mancu Aratusa : Chì ni dici, o cara musa ? »

A mintuveghja dinù Rinatu Coti in u so omagiu à Maria Leandri:

« Dunata da a puisìa, i so versi èrani suchjosi com’è l’acqua chì sbarsa da a fonti d’Ippucrena. Era campata nant’à lu monti d’Alicona dundi aia vistu è statu à senta i novi musi. »

Bibliugrafia

• Igor Baglioni, [www.academia.edu/1132405/La_fonte_Ippocrene La Fonte Ippocrene, 2015, academia.edu]

Ligami

• Rinatu Coti, A Dicu, puesia in umagiu à Maria Leandri Archiviu 2016-01-15 at the Wayback Machine