Ghjinestra
| |||||
|---|---|---|---|---|---|
| |||||
| Calycotome spinosa | |||||
| Classificazioni scentifica | |||||
| Regnu | Plantae | ||||
| Divisioni | Magnoliophyta | ||||
| Classa | Magnoliopsida | ||||
| Ordini | Fabales | ||||
| Famiglia | Fabaceae | ||||
| Genaru | Calycotome | ||||
| Nomu binuminali | |||||
| Calicotome spinosa Linnaeus, 1753 | |||||
.jpg)
| |||||
A Ghjinestra (Calicotome spinosa hè un arburettu chì faci parti di a famiglia di i Fabaceae. Si trova in i paesi è i rigioni situati intornu à u Mari mediterraniu. A ghjinestra hè alta sin'à dui metri. I fiori di a ghjinestra sò giaddi.
Tassunumia Mudificà
Parechji sinonimi di Calicotome spinosa sò:
- Spartium spinosum L.
- Calicotome fontanesii Rothm.
Ripartizioni Mudificà
Calicotome spinosa hè largamenti sparta in u circondu mediterraniu, in particulari in i paesi tali a Spagna, a Francia, l'Italia, a Grecia è a Turchia. Hè ancu prisenti in certi righjoni d'Africa suprana. 'Ssa pianta hà una prifarenza par i terri beddi assiccati è i climi caldi è asciutti.
Calicotome spinosa hè prisente in Corsica è cumuna.[1] Hè tipica di a machja corsa, com'è a scopa o l'arbitru.
Biulugia Mudificà
A ghjinestra hè un arbustu à foglii parsistenti chì pò aghjunghja un'altezza da 1 à 2 metri. I so casci sò cumposti da picculi fuglioli verdi scuru è sò ricuparti di pela fini. I fiora di culaori giaddu vivu appariscini di branu è sò ragruppati in gaspi. Sò ricchi di nettaru, attirendu cusì l'insetti inamacatori tali l'abbi è i sbarrabattuli. I frutti sò vaini di culori brunu scuru cuntinendu parechji graneddi.
Cunsirvazioni Mudificà
Calicotome spinosa hè una spezia chì hè cunsidarata com'è essendu di prioccupazioni minori in termini di cunsirvazioni. Bench'edda possi essa affittata da a digradazioni di u so ambienti naturali duvuta à l'urbanisazioni è à l'agricultura intensiva, hè dinù largamenti sparta in a so zona di ripartizioni. Eppuri, hè impurtanti di surviglià u statu di e so pupulazioni è di piglià misuri di cunsirvazioni apprupriati par prisirvà 'ssa spezia è u so ambienti.
Citazioni Mudificà
Accadi chì a ghjinestra fussi mintuvata in a cultura è in a litteratura corsa. Par asempiu:
- A mio ghjinestra fiurita
- O quant'ella spampilleghja
- Ghjunghjenu li giuvanotti
- È ti facenu la veghja
- Chì t'ùn mi teni più caru
- Credi ch'eo nùn mi n'avvega.
- o in a canzona L'odori di i nostri mesi, cumposta da Ghjacumu Fusina è Ghjuvan Paulu Poletti, è intarpritata da Canta u Populu Corsu:
- Maghju sente la ghjinestra
- Chì sbuccia per lu pughjale
- Inzeppisce fiuminale
- Verdiceghja la campestra
- L'acelli sparghjenu l'ale
- Si spalanca la finestra.
Noti Mudificà
Altri prugetti Mudificà
Calicotome spinosa annantu à Wikimedia Commons.
Da veda dinò Mudificà
Rifarenzi Mudificà
- paghjella.com Inventariu di e paghjelle
- Jeanmonod D. & Gamisans J. (2013) Flora Corsica (2 ed), Edisud.
Gallaria d'imagini Mudificà
-
I spini
-
I fogli
-
Calicotome spinosa - Museum specimen
