Conti di Corsica
I conti di Corsica fubbenu parechji suvrani ereditarii di a Corsica, da u seculu IX à u seculu XI.[1]
L'origine di a feudalità
mudificàÀ u Medievu, i conti Bonifaziu in u 825 è Adalbertu u so figliolu in u 845, sò stati l'unu appressu à l'altru incaricati da l'imperatore Lothaire Prima di a difesa di a Corsica contru à i Mori. I so discendenti, marchesi in Italia, cunsirvonu 'ssa funzione. Eranu difendidori di a Corsica cum'è l'imperatore era difendidore di Roma[2]. Ci hè statu dinù u conte Ghjuliu Ortoli, di Ancone, chì hè venutu in Corsica in u 773, mandatu da Carulu Magnu per luttà contru à l'invasione di i Mori. 'Ssa famiglia hè stata ricunnusciuta nobile da un arristatu di u Cunsigliu Superiore di a Corsica di u 21 di maghju di u 1772, stabiliscendu a figliazione dapoi Ghjucante, Ottaviu è Ghjuvanninellu Ortoli, vivi à u seculu XVI[3].
In u 951, u capu di i marchesi tuscani hè Oberto-Opizzo, vicariu imperiale per tutta l'Italia, ma suvranu direttu di e cuntee di Luni, di Genuva, di Milanu è di l'Isule. A cuntea di l'Isule era sottu à a ghjurisdizione diretta di i marchesi. I storichi anu riunitu i so discendenti sottu à u nome cunvenziunale d' "Obertenghi". Esistia dinù un ramu di i marchesi d'Italia più anticamente arradicatu in l'isula ch'è l'Obertenghi, chì si divide in Bianchi (i Bianculacci) è in Cinarca (i Cinarchesi).
À u seculu XI, u marchese Albertu Ruffo averia cacciatu fora i Sarracini da Roma è cuntribuitu à a difesa di a Corsica. I so discendenti, marchesi di Massa o di Parodi, annantu à u cuntinente, aghjustonu sempre à i so tituli quellu di marchese di Corsica.
Tutti i discendenti d'Albertu Ruffo purtavanu u titulu di marchese di Corsica, malgradu chì solu parechji frà elli risidianu annantu à u feudu. Un viciconte, un "gastald" o un vicariu amministrava i so bè.
| « I conti fubbenu, siont'è a tradizione, i suvrani ereditarii di a Corsica da u seculu IX à u seculu XI, è anu per autore unu conte Biancu chì a so ligenda n'hà fattu un figliolu di l'iputeticu Ugu Colonna.[4] » |
À u seculu XIII, i Bianculacci ùn sò più ch'è i vassalli di i Cinarchesi chì, diventati i maestri di u " Dilà di i Monti "[5], ùn cisseranu di pretende à l'auturità suprema.
| « In menu di dui centu cinquanta anni, dicessetti frà elli, chì i più celebri sò Giudice (Sinucellu) di Cinarca, Arrigu di la Rocca, Vincentellu d'Istria è Ghjuvan Paulu di Leca, dumineranu a Corsica guasi sana, a maiò parte incù u titulu di conte ch'elli teneranu micca d'unu drittu anticu, bensì di u suffraghju populare.[6] » |
À u seculu XIV per rinfurzà u so putere, i signori Cinarchesi averanu bisognu per esse designati Conte di Corsica d'invintà si un antenatu cumunu incù i Conti di u Palazzu[7] chì eranu elli i sputichi discendenti di Bonifaciu. E cundizione essenziale eranu : pussede u Castellu di Cinarca, appartene à a Famiglia Della Rocca è esse designatu à Biguglia o à Merusaglia da l'assemblea di i ripprisintanti di e pieve di Corsica. Cusì hè natu u mitu d'Ugu Colonna u liberatore di i Corsi affucati da i crudeli mori[8].
Conti è Viciconti di Corsica
mudificàL'origine di a Dinastia
mudificàSient'è Ghjuvanni di la Grossa
mudificà- Ugu Colonna (760 - 834)
- Biancu Colonna (791 -879)
- Orlandu Colonna (820 - ?)
- Ridolfu Colonna (860 - ?)
- Guidu Colonna (900 - ?)
Sient'è altri storichi
mudificà- Bonifaciu II di Tuscana (791 - 879) Conte Biancu
- Adalbert Prima di Tuscana (820 - 886)
- Adalbertu II di Tuscana ( ? - 917)
- Guidu di Tuscana ( ? - 929)
- Lambertu di Tuscana ( ? - 938)
- Boson d'Arles ( 885 - 936)
- Hubert di Spolète ( ) (o Uberto Opizzo ? )
I Successori
mudificà- Arrigu Ia Colonna (940 - 1000) (dettu Arrigu bel Messer, mortu assassinatu, i so setti zitelli annigati) scendendu di u conte Biancu
- Cuntessa Genuveva Di Torquati (moglia di u precedente)
- Antonio Colonna Di Cinarca (990 - 1070) (scendendu di Cinarca Colonna, figliolu d'Ugu Colonna chì seria u fratellu di Biancu Colonna) Maritatu à a figliola d'Arrigu
- Andrea Colonna Di Cinarca (1040 - 1112)
- Arrigu IIe Colonna Di Cinarca
- Diotajuti Colonna Di Cinarca (? - 1142) dice Ellu Sardu
- Ansaldu da Mare (conte di Corsica 1200-1204)
- Arrigu IIIe Colonna Di Cinarca (? - 1239) dettu Ellu Maggiore
- Sinucellu di la Rocca dettu Ghjudice di Cinarca (1221 - 1306 o 1312)
- Arrigu di la Rocca (? - 1401) conte di Corsica (1376 - 1401).
- Vincentellu d'Istria (1380 - 1434), conte di Corsica (1410 - 1418), vicirè di Corsica (1418 - 1434)
- Simone Ia da Mare (conte di Corsica 1434 - 1439)
- Paulu Ia di la Rocca (?- 1441)
- Ghjudice IIe di la Rocca
- Paulu II di la Rocca
- Tomasino di Campo-Fregoso
- Gherardo Appiano (1461 - 1502), elettu conte di Corsica di ghjugnu di u 1483
- Ghjuvan Paulu di Leca, conte di Corsica è di Cinarca
A fine di l'ultimi feudatarii
mudificàOccorse in u 1511 :
| « A ruvina di Ghjuvan Paulu è di Rinucciu[9] fubbe ancu quella di u putere feudale in Corsica. Genuva ùn permessi micca à e case di la Rocca è di Leca di rilivà si, i signori d'Istria, d'Ornanu è di Bozzi fecenu a so sottumissione è rinuncionu ormai à ogni rollu puliticu.[10] » |
Note
mudificà- ↑ 'Ss'articulu pruvene in parte da l'articulu currispundente di a wikipedia in francese.
- ↑ Colonna Di Cesari-Rocca è Luigi Villat in Storia di Corsica Anziana libraria Furne Boivin & Cie, Editori 5, carrughju Palatine Parigi VIimu 1916]
- ↑ A Pieve d'Atallà di Arrigu Ortoli, Presidente d'Onore di l'Accademia Corsa di Nizza - aprile di u 1979
- ↑ Colonna (1916).
- ↑ U "Dilà di i Monti" currisponde à pocu pressu à l'attuale dipartimentu di u Pumonte
- ↑ Colonna (1916).
- ↑ Palazzu di Poghju di Venacu.
- ↑ Diunisu Luciani in A Corsica tempa 'lli sarracini, opera in lingua corsa lugliu di u 1998, riassuntu da Ghjuvanni Petru Poli, frivaghju di u 1999
- ↑ Rinucciu di la Rocca (1458 -1511), signore di Cinarca è d'Istria
- ↑ Colonna (1916).
Bibliugrafia
mudificà- Colonna Di Cesari-Rocca è Luigi Villat in Storia di Corsica, Anziana libraria Furne Boivin & Cie Editori, 5 carrughju Palatine Parigi, 1916