Acula marina
| |||||
|---|---|---|---|---|---|
| |||||
| Larus michahellis | |||||
| Classificazione scentifica | |||||
| Regnu | Animalia | ||||
| Divisione | Chordata | ||||
| Classa | Aves | ||||
| Ordine | Charadriiformes | ||||
| Famiglia | Laridae | ||||
| Generu | Larus | ||||
| Nome binuminale | |||||
| Larus michahellis Naumann, 1840 | |||||
| |||||
L' Acula marina (Larus michahellis) hè un acellu chì face parte di a famiglia di i Laridae. Ind'è l'adultu, u spinu è l'ale sò grisge. E patte sò gialle. U bizzicu hè giallu. L'ochji sò chirchjati rossu. Ci hè puchissimu dismurfisimu sessuale. I ghjovani sò piu bruni, cù u bizzicu più scuri è e patte à spessu rusuline. L'acula marina hè alta 58-68 cm. A so apertura alare hè 130-160 cm. Pesa trà 700 è 1300 grammi.
L'acula marina hè prisente annantu à u litturale è tutte l'isule di l'area di u Mare Terraniu, ma dinù annantu à u litturale atlanticu, da u Maroccu à a Brittania. Difatti, l'acula marina hè u più acellu marinu cumunu in l'areale di u Mare Terraniu, incù guasi 120 000 coppii arrighjunati in u mediterraniu occidentale.
L'acula marina era in traccia di sparisce à u principu di u seculu XX, ma dipoi qualchì dicenniu, a so populazione hà crisciutu di manera impurtanta, à tal' puntu chì 'ssa spezia hè cunsiderata qualchì volta cum'è una spezia troppa abbundente è priculosa per l'altre spezie. Difatti, l'acule marine anu cumincitatu dipoi parechji anni à arrighjunisce si ancu in e cità è vicinu à i fiumi.
L'acula marina manghja picculi pesci, piulaconi d'acelli è cadaveri. Hè cacciadore è piscadore. Purtroppu, 'ssu acellu hè statu capace di cambià u so modu di nutrisce si, andendu ancu à circà u so cibu in i rumenzuli. Si cunsidereghja ch'ellu hè 'ssu cambiamentu chì hà incausatu a crescita recente di a populazione d'acule marine.
L'acula marina hè stata cunsiderata frà pocu cum'è una spezia distinta è sputica. Innanzi, era classata in a spezia 'Larus cachinnans'. Da u puntu di vista di a sistematica, ci sò trè sottuspezie d'acule marine:
- Larus michahellis michahellis
- Larus michahellis lusitanius
- Larus michahellis atlantis
Prutezzione
mudificàL'acula marina hè prutetta da:
- a Cunvenzione di Berna : annessu II
In Corsica
mudificà
L'acula marina hè prisente è abbundente in Corsica. Hè ancu chjamata gabbianu cumunu. Parte è più si trovanu annantu à l'isulotti di Corsica è u litturale. E culonie più impurtante d'acule marine sò situate (Thibault 1983) annantu à facciata uccidentale cum'è in Scandula, l'Isule Sanguinare, l'Isule Lavezzi è l'Isule Cerbicale. Frà 1977 è 1980, 2250 acelli sò stati cuntati, spartuti in 33 culonie (Thibault 1983). Ci n'hè moltu più avà è niente ch'è per a rigione d'Aiacciu, si stima chì ci hè 1000 coppii d'acule marine. Durante l'annu, ci sò dinù e visite di parechje acule marine chì venenu da u steriore, è chì si ne stanu annantu à i stagni di a Costa orientale è ancu in i porti. À tempi muderni, s'hè custatatu chì l'acule marine vanu à nutrisce si in i ruminzulaghhi di l'interiori, è ponu cullà cusì sin'à 800 metri. À i ghjorni d'oghje, ci hè ancu u pinseru chì 'ssu accriscimentu di a populazione d'acule marine incauseghja parechji prublemi. Unu di 'ssi prublemi per l'attività umani hè u risicu d'accidente incù un aviò o un elicottreru. Ma ci sò dinù altri prublemi incù a fauna è a flora di l'isula, è in particulare incù l'aviafauna è una spezia rarissima: l'acula marina corsa (larus audouinii): quella soffre di 'ssa abundenza d'acule marine, perchè li pò manghjà i so ovi o i so piulaconi, ma li pò ancu catturà e so prede.
Lessicu
mudificàL'acula marina hè ancu chjamata u gabbianu cumunu.
Citazione
mudificàAccade chì l'acula marina fussi mintuvata in u cantu o in a litteratura corsa. Per esempiu:
- in a canzone D'un volu di Canta u Populu Corsu:
- È lu to sensu s'infrebba
- D'ùn pudè la accumpagna
- Chjosa da l'umbriccia niedda
- Di l'umana falsita
- À goda l'aria serena
- Cum'è l'acula marina
- Cum'è l'acula marina.
- o in a canzone Solenzara di Regina è Brunu:
Da vede dinù
mudificàReferenze
mudificà- Thibault, Jean-Claude, Acelli di Corsica - Les oiseaux de Corse, 1983, PRNC (in francesu)