Vociaru di Culomba

U vociaru di Culomba (o voceru di Culomba) hè un vociaru di Corsica. Hè statu cantatu da Culomba, in Fuzzà, a sera di l'intarru di u babbu.

U vociaru

Hani spintu li cirona

È sarratu hani la tomba

U rimori di la cascia

In lu cori mi ribomba

Babbu hè mortu, Orsu hè luntanu

È sò trista com'è l'ombra.

Stanghiddata stà la porta

È sò chjusi li purteddi

Micca lumu è micca luci

Duva stani l'urfaneddi

Ma la notti hè com'è mè

Nera è carca di flageddi.

Ch'eddu dormi lu paesi

Fin'à l'escia di lu soli;

Veghju eiu la disgraziata

Sola cù lu me dulori

Ma sò secchi li me ochji

È nun mi tremma lu cori.

U me babbu si n'hè andatu

Duv'eddu hè nostru Signori

L'hani tombu à tradimentu

Omini falsi è senza onori

Maladetta sia la razza

Chì mi dà tantu dulori.

Brutta razza di vigliacchi

Sia trè volti maladetta

Seti trè li Barraccini

Seti trè pa la vindetta

A vindetta sacra è santa

Chì Culomba devi fà.