Voce Ventu

Voce Ventu hè un gruppu di cantu corsu criatu in u 1995 è cumpostu d'amichi da sempri: Saveriu Tavera, Federiccu Poggi, Éric Ressouche, Federiccu Sini è Andria Fazi, isciuti par a maiò parti di a "Scola di cantu" di Natali Luciani. Anthony Geronimi s'aghjunghjarà à u gruppu uni pochi di anni dopu a so criazioni. Dopu à avè animatu i sirati di u cabaret aiaccinu " À u sonu di i chitarri" è essa si prudutti in numarosi loca à traversu a Corsica sana intarpritendu grandi classichi di a canzona corsa, u gruppu dicidi di passà à a criazioni. Ed hè tandu ch'isciarà l'album Rughju Di vita in u 2005 chì cunnusciarà un beddu successu. Hà suvitatu dopu da una magnifica avvintura incù u Giapponu è i scontri incù l'artisti di l'arcipelagu, chì darani locu à un album "Tessi Tessi " incù l'artista giappunesa Mieko Miyazaki è u viulunistu Emmanuel Solans, induv'eddi si mischiani i stili giappunesu è corsu. Un filmettu ducumintariu intitulatu "Quandu l'isuli si scontrani", rializatu da Samuel Lajus, ritraccia 'ss'avvintura. Dopu à essa statu assà attivu mentri circa 15 anni, u gruppu cunnusciarà un periudu di sonnu di uni pochi di anni prima di rimetta si à u travagliu in u 2015, di pocu strutturatu è incù u scopu di priparà i 20 anni di u gruppu. À i ghjorna d'oghji, ci sò 7 cantadori è 7 musicanti in u gruppu.

Discugrafia

• 2005 : Rughju Di Vita
• 2010 : Tessi Tessi (Scontru Corsica-Giappone cù Mieko Miyazaki)
• 2010 : Di Culori È Di Sonnii
• 2016 : Ci Serà Sempre Un Cantu
• 2021 : À U Ritimu Di E Sperenze

Liami

• u situ di Voce Ventu

Noti

I gruppi di cantu di Corsica

Alte Voce - Altru Latu - A Murella - Anghjula Potentini - Arcusgi - Barbara Furtuna - I Campagnoli - Canta u Populu Corsu - Cantu Indà - Caramusa - Cetera Incantu - Chjami Aghjalesi - Cumpagnia - Diana di l'Alba - Eredi - Esse - A Filetta - Ghjuvan Paulu Poletti è u Coru d'Omini di Sartè - Giramondu - I Fratelli Vincenti - Mantini - Messageri - Missaghju - Muvrini - Notte di Corsica - Oriente - Orizonte - Petri d’Avvena - Ricuccata - Stà à sente - Stantara - Surghjenti - Tavagna - Tempus Fugit - U Fiatu Muntese - Vagabondi - Voce di Corsica - Voce Isulane - Voce Latine - Voci di a Gravona - Zamballarana -