Tavignanu (fiume)

U Tavignanu hè un fiume di a Corsica centru-orientale, u sicondu di l'isula dopu à u Golu tantu per via di a lunghezza ch'è per via di a purtata media. U so percorsu, di circa 89 km, si svoglie tuttu in Cismonte.

Ponte genuvese incù trè arcate annantu à u Tavignanu, vicinu à u paese d'Altiani

Percorsu

U Tavignanu

Nasce da u Lavu di Ninu, u sicondu lavu di Corsica per dimensione, chì n'hè l'emissariu, à circa 1750 metri d'altitudine. Scorre à l'iniziu in direzzione Nordu-livante finu à a cità di Corti, induv'ellu riceve l'acque di u so affluente, a Restonica.
Dopu à Corti u corsu di u fiume compie una diviazione principiendu à scorre in direzzione sudu-livante. In i circondi di Vènacu riceve u so principale affluente, u Vechju. Dopu à avè travirsatu una valle assai incasciata (e cusiddette gole di u Tavignanu), sfocia in u Mare Tirrenu à u nordu d'Aleria.

Principali affluenti

U Tavignanu conta una sittantina d'affluenti, frà i quali:

• a Restonica (dritta idrugrafica), di 18,1 km di lunghezza;
• u Vechju (dritta idrugrafica), longu 24,1 km;
• u Tagnone (dritta idrugrafica), di 35,1 km di lunghezza;
• u Corsigliese (sinistra idrugrafica), di 24,3 km di lunghezza.

Galleria d'imagine

• 
• 

Da vede dinù

• Restonica
• Tavignanu (pieve)

I fiumi di Corsica

Abatescu Alisu Bevincu Bravona Cavu Fangu Figaredda Fiumaltu Fiumorbu Golu Gravona Liamonu Ortolu Ostriconi Osu Portu Prunelli Restonica Rizzanesu Stabiacciu Sulinzara Taravu Tavignanu Travu