Sciappapetra

A sciappapetra
Polygonum maritimum
Classificazione scentifica
Regnu	Plantae
Divisioni	Magnoliophyta
Classa	Magnoliopsida
Ordini	Polygonales
Famiglia	Polygonaceae
Genaru	Polygonum
Nome binuminale
Polygonum maritimum Aiton, 1753

Polygonum maritimum hè una spezia di pianta chì faci parti di a famiglia di i Polygonaceae.

Discrizzioni

Polygonum maritimum hè una pianta arbacea vivaci appartinendu à a famiglia di i Polygonaceae. Si distingui da i so piccioli pasciulanti è i so fogli stretti è lungarini, d'un verdi vivu. I fiora di 'ssa pianta sò chjuchi, di culori rusulinu pallidu à biancu, è sò ragruppati in gaspi terminali.

Ripartizioni

Polygonum maritimum hè par u più prisenti u longu di i costi di l'Atlanticu è di a Manica, dapoi u nordu di a Spagna sinu à a Nurvegia. Omu a trova ancu in certi righjoni di u mari Balticu. 'Ssa pianta affizziuneghja l'ambienti custieri, tali i duni di rena, i scuglieri è i salini.

In Corsica

L'arba sciappapetra hè abbastanza cumuna in Corsica. U nomu corsu veni da u fattu ca a pianta hè rinumata par "sciappà a petra", vena à dì truncà è caccià i calculi, i cuncressioni minerali chì si formani in i rena o in a buscica. L'arba sciappapetra hè ancu chjamata a spaccapetra, chì t'hà listessu significatu. Ma par via di 'ssa prubità chì hè cunnisciuta ancu fora di Corsica, l'arba sciappapetra hè sradicata troppu suventi è diventa più rara. Par coglia la, ci voli à taglià la, lachendu a so radica in terra, è micca à sradicà la.

Si dici dinò (Conrad 1981) chì Nabulionu, chì suffria da i calculi, rigrittia d'ùn truvà l'arba sciappapetra in Santa Elena.

Biulugia

Polygonum maritimum hè una pianta adatta à i cundizioni marittimi. Hè capaci à tullarà liveddi elevati di sali in a terra, ciò chì li parmetti di pruspirà in ambienti salini. Di più, pussedi radichi fondi chì li parmettini di risista à i venti forti è à i timpesti custieri.

'Ssa pianta si ripraduci par u più in via vegetativa, grazia à i so piccioli pasciulanti chì s'arradicheghjani à u cuntattu di a terra. Pò ancu prupagà si par via di graneddi, chì sò spargugliati da u ventu o l'acqua. Polygonum maritimum fiurisci di regula da ghjugnu à sittembri, attirendu cusì l'insetti inamacatori.

Tassunumia

Polygonum maritimum hè u nomu scentificu accittatu par 'ssa spezia. Hè ancu cunnisciuta sottu à i sinonimi siguenti : Persicaria maritima, Polygonum maritimum subsp. maritimum è Polygonum maritimum subsp. raii.

Cunsirvazioni

Polygonum maritimum hè cunsidarata com'è una spezia vulnerevuli in certi righjoni di a so aria di ripartizioni, par via di a distruzzioni di u so ambienti naturali da l'urbanisazioni è u sviluppu custieri. I misuri di cunsirvazioni sò missi in campu par pruteghja 'ssa pianta, in particulari a criazioni di riservi naturali è a sinsibilisazioni di u publicu à a so impurtanza eculogica.

Rifarenzi

• Conrad, Marcella, I corsi è e piante salvatiche, avà è innanzi, 1981, Adecec
• Gamisans, J. & Jeanmonod, J. (1993) A vegetazioni di a Corsica - La végétation de la Corse, Cunsirvatoriu è giardinu botanicu di a cità di Geneva: Geneva (in francesu)
• Jeanmonod D. & Gamisans J. (2013) Flora Corsica (2 ed), Edisud.

Altri prugetti

• Polygonum maritimum Archiviu 2012-01-11 at the Wayback Machine annantu à Wikimedia Commons.