Scurpionu neru
| |||||
|---|---|---|---|---|---|
.jpg)
| |||||
| Euscorpius flavicaudis | |||||
| Classificazioni scentifica | |||||
| Regnu | Animalia | ||||
| Divisioni | Arthropoda | ||||
| Classa | Arachnida | ||||
| Ordini | Scorpiones | ||||
| Famiglia | Euscorpiidae | ||||
| Genaru | Euscorpius | ||||
| Nomu binuminali | |||||
| Euscorpius flavicaudis DeGeer, 1778 | |||||
| |||||
U scurpionu neru (o scurpione neru) (Euscorpius flavicaudis) hè un tipu d'animali chì faci parti di a famiglia di l'Euscorpiidae. Hè cumunu in l'ariali di u Mari Tarraniu: in Algeria, in Tunisia, Italia, in iSpagna, in Corsica, è in a parti miridiunali di a Francia. Pocu tempu fà, u scurpionu neru hè statu introduttu in Ingliterra è ancu in Uruguay. A piccula culonia di scurpionu neru chì ci hè avali in Ingliterra, hè a più à nordu in u mondu.
U scurpionu neru hè longu 3 à 5 cm. Hè neru neru, fora di a coda è di i patti chì sò giaddi. A so coda hè abbastanza fina. T'hà quattru paghji di patti giaddi.
U scurpionu neru codigiaddu campa da 5 à 7 anni. Li ci voli dui anni par ghjunghja à l'ità adultu. A gestatzione dura da 10 à 14 mesa. Li piaci à u scurpionu neru à stà sottu à i petri o u legnu. Accadi à spessu ch'eddu stessi accantu à i casi. Ùn hè micca cunsidaratu com'è vilanosu, è in generali a pugnicatura di u scurpionu neru è com'è quidda d'un ragnu. U liveddu di tussicità ùn hè ch'è 1 annantu à una scala di 5. Ma à spessu, u scurpionu neru pizzica, inveci di pugna. U dulori hè com'è una pugnitura di vespa. Ci hè un dismurfisimu sissuali ind'è u scurpionu neru: a coda di u masciu hè più maiori cà quidda di a femina.
U scurpionu neru manghja insetti, ragna. Ma pò stà mori senza nutriscia si. Pà catturà a so preda, u scurpionu si movi lestru lestru.
Parechji sinonimi di Euscorpius flavicaudi sò:
- Scorpius algeriacus C. L. Koch 1838
- Scorpius massiliensis C. L. Koch 1837
- Scorpius monspessulanus C. L. Koch 1837
- Teuthraustes brasilianus Mello-Leitão 1931
In Corsica
mudificàU scurpionu neru (o scurpione neru) hè u scurpionu cumunu in Corsica. Hè ancu chjamatu a furbicetta (Dizz. U Muntese). U scurpionu si piaci in i loca umiti è adumbrati, è si trova à spessu in i carciari.
Rifarenzi
mudificà- Ciavatti, Petru (dir. redazzione) Dizziunariu U Muntese, 1984, Albiana
Liami
mudificà- U scurpionu neru codigiaddu (in inglesu) Archiviu 2019-12-15 at the Wayback Machine