Rocca tarpea
A rocca Tarpea (latinu: Rupes Tarpeia o Saxum Tarpeiumi) hè a pareta rucciosa posta nantu à u latu miridiunali di u Campidogliu à Roma, da a quali erani lampati i traditori cundannati à morti, chì in 'ssu modu erani simbulicamenti espulsi da a Cità.
A rocca
mudificà
Sicondu a tradizioni mitugrafica u Sassu tarpeu dirivaria da a figura eponima di Tarpeia, chì, tradiscendu Roma, aprì à i Sabini di Titu Tazio a rocca di u Campidogliu.
Da a rocca erani lampati più sottu in u Foru Rumanu quand'eddi erani stati cundannati à morti, com'eddu hè accadutu par Spurio Cassio Vecellino chì, par l'accusa di aspirà à divintà rè, fù cundannatu è ghjittatu da a rocca da i so dui accusatori, i quistori Luciu Valeriu Potito è Cesone Fabio Vibulano[1].
A rocca di Tarpea era usata par cundannà i parsoni chì si rifiutavani di tistimunià, vistu ch'eddi erani l'unichi fonti di prova chì à l'ebbica i cuntratti erani unicamenti di forma urali.
- Marcu Manlio Capitolino, 384 a.C., par sidizioni[3]
- ribelli di Tarentum, 212 a.C.
- Luciu Curneliu Crisogono, 80 a.C.
- Sestu Mariu, 33 a.C.
- Simonu bar Giora, 70 di.C.
Simbulisimu
mudificàHè dinò nota a Rocca Tarpea par via di una citazioni latina: Arx tarpeia Capitoli proxima (U sassu Tarpeu hè vicinu à u Monti Capitulinu). 'Ssa citazioni hè aduprata par fà capiscia chì dopu à l'anori, si pò cascà lestru, o dittu altrimenti ch'è più si codda, più si fala. L'equivalenti in corsu hè u pruverbiu: Quand'è tù credi d'essa à cavaddu, ùn sè mancu à pedi.
Noti
mudificà- ↑ Dionigi, Antichità rumani, Libru VIII, 77-78.
- ↑ Plutarch, Livesi '; Livy, Ab Urbe Cundita; M. Grant, Roman Mythsi '.
- ↑ Livy. Book 6 [20.9]
Coordinates: 41°53′30″N 12°28′56″E / 41.891556°N 12.482216°E
Bibliugrafia
mudificà- Liviu, Ab Urbe cundita libri, I.
- Dionigi d'Alicarnassu, Antichità rumani, II, 36 3-38, 2
- Properzio, Elegie, IV, 4
- Ovidiu, I mitamurfosi, XIV, 775-99
- Valeriu Massimu, Factorum et dictorum memorabilium libri IX 6,I
- Plutarcu, Romolo, 18, I (da "A lighjenda di Roma" à cura di Andrea Carandini, è. fundazioni Larenzu Valla, Arnoldo Mondadori Editori, 2010)