Pilonu

U Pilonu (o Pilone) era un vistitu tradiziunali corsu. Era fattu di pannu corsu o in pelu caprunu sanu. U pilonu era senza manichi nè apartura. Di i volti ci era una balzana di tela, nera, chì u rinfurzava in ghjò.

U pilonu novu era longu, ma à misura ch'eddu frustava, si pudia taglià un pocu in ghjò è divintava più cortu à pocu à pocu. Ma ci erani i variazioni da una pievi à quidda altra, apposta chì u pilonu era purtatu più longu in Pumonti cà in Cismonti. U pilonu era u vistitu di i pastori, ma dinò di i cacciadori, chì i parava da u fretu è da l'acqua. Pisava mori u pilonu, insin'à ottu chilò.

U pilonu era fattu par u più in Siscu, Corti, Venacu, o in Bucugnà. Era ancu apprizziatu da l'ufficiali inglesi chì friquintavani l'isula à u seculu XIX (Dizziunariu U Muntese).

Citazioni

Accadi à spessu chi u pilonu fussi citatu in a cultura è in a litteratura corsa. Par esempiu:

in i pruverbii:

Par maghju o par maghjonu, ùn ti caccià u to pilonu.

Un pilone ùn serve solu un annu. (Dizziunariu U Muntese)

in a festa di Sant'Andria, u 30 nuvembri, i ziteddi andavani da una casa à quissa altra cantendu una pricantula, è à quiddu chì ùn dava nudda, si facia a siguenti risposta:

Chì vo abbiati tanti chjirchjoni

Ch’iddu ci hè pila in un pilonu.

in u buciaru di una ghjuvanetta di Tassu:

Isfurcà vogliu lu palu,

Quiddu di setti furconi,

Ch'ùn ci s'appenda più zanu

Nè cappucciu nè pilonu

È taglià vogliu la coda

À Cimoscu ed à Falconi.

Da veda dinò

Liami

[https://web.archive.org/web/20070813031645/http://www.matinalatina.com/festi/festi_pdf.php?num=1 Archiviu 2007-08-13 at the Wayback Machine Sant'Andria, Matina Latina]

Riferimenti

Galletti, (1863) Storia illustrata di a Corsica - Histoire illustrée de la Corse
Pecqueux-Barboni, R. (2008) Pannu è panni - Costumes de Corse, Albiana
Ciavatti, Petru (dir. redazzione) Dizziunariu U Muntese, 1984, Albiana