Pettirossu

U pettirossu

Erithacus rubecula

Classificazione scentifica

Regnu:	Animalia
Phylum:	Chordata
Classa:	Aves
Ordine:	Passeriformes
Famiglia:	Muscicapidae
Generu:	Erithacus
Spezia:	E. rubecula

Nome/u binominale/i

Erithacus rubecula
Linnaeus, 1758

U pettirossu

U pettirossu (o pettirussu) (Erithacus rubecula) hè un aceddu chì faci partita di a famiglia di i Muscicapidae. U nomu corsu veni da u fattu ca u culori di u so pettu hè russicciu. U pettirossu pò campà sin'à 13 anni. Ùn ci hè guasi micca dismurfisimu sissuali, è u masciu è a femina sò guasi listessi.

In Corsica

U pettirossu hè cumunu è prisenti tuttu l'annu in Corsica.

Citazioni

U pettirossu hè statu mintuvatu calchì volta in a litteratura è u cantu corsu. Par asempiu:

in i Canti d'aceddi di Monsignori Di La Fuata:

U pettirossu hà invidia dlu fringueddu :

Annantu à l'olmu, vicinu à u Valdareddu :

Unu canta è l'altru canta,

Si sò dati lu dueddu:

in a canzona A morte di u pettirossu d'Antone Ciosi
in a canzona U pettirussu intarpritata da I Surghjenti
in a puisia L'ortu di ziu di Marcu Ceccarelli:

Cù l’inguernu, un pettirussu,

Da ziu staia vicinu,

Li saltaia guasgi addossu,

Quandu vangaia un sulcinu,

È sì ziu li parlaia,

L’acidduchju chjuchjulaia…

Rifarenzi

Della Foata, Paulu Matteiu, 1973, "Poesie Giocose in lingua vernacula della pieve d'Ornano"
Papi, Arnestu, U pettirussu, ill. Lucia Thiers, Albiana, 2003
Thibault, Jean-Claude, Les oiseaux de Corse - L'aceddi di Corsica, PNRC, 1983 (in francesu)
Versini, Saveriu, Parolle di Corsica, 2001, DCL

Literatura

Pettirossu era u cugnome di u scrivanu corsu Tomasu Peretti.

Liami

L'acelli - Les oiseaux, Ghjuvan Petru Battestini, Adecec, 1982 Archiviu 2012-01-11 at the Wayback Machine

Da veda dinò

aceddi di Corsica