Mennula

A mennula
Pagellus acarne
Classificazioni scentifica
Regnu	Animalia
Divisioni	Chordata
Classa	Actinopterygii
Ordini	Perciformes
Famiglia	Sparidae
Genaru	Pagellus
Nomu binuminali
Pagellus acarne Linnaeus, 1758

A mennula (Pagellus acarne) hè un pesciu di mari chì faci parti di a famiglia di i Sparidae.

Discrizzioni

A mènnula t'hà una forma piuttostu lungarina ed hà una gobba fruntali carattaristica chì rendi u so prufilu probbiu incunfundibuli. L'ochji hè più chjucu è u muccichili più longu ch'è ind'è Pagellus bogaraveo. Ci hè una tacca nera à u basamentu di a nutaghjola pitturali.

A livrea hè varievuli, u spinu pò essa arghjintinu, grisgicciu o rusulinu, i lati sò arghjintini incù i riflessi rusulini. U pesciu morti hà una culurazioni arghjintina uniforma. A cavità buccali hè rossa.

A lunghezza media hè di 25 cm, ma pò aghjunghja 36 cm.

Distribuzioni

L' ariali di a mennula si stendi annantu à tuttu u mari Tarraniu è l'uceanu Atlanticu di l'Estu trà u golfu di Gascogna (sò mintuvati i presi uccasiunali dinò in mari di u Nordu) è l'acqui senegalesi.

A mennula hè liata à i fondi mobili è si trova par u più annantu à a rena o a fanga trà 5 è 500 m di fondu marinu. Si poni dinò truvà i ghjovani frà i scogli o i pratulini marini.

Ripruduzzioni

A mennula si ripraduci d'istatina è di vaghjimu. Hè ermafrudita, esci masciu è diventa femina incù l'ità. Eppuri certi pesci escini femini quandu certi altri inveci fermani masci tutta a vita.

Gastrunumia

Incù una carri d'ottima qualità, a mennula hè piuttostu arrustita, ed hè dunqua ricumandatu di fà la marinà in l'oliu d'alivi è u sali mentri uni pochi di ori nanzi a cucera.

In Corsica

A mennula hè assà cumuna in Corsica.

Bibliugrafia

• Tito de Caraffa, Assaghju annantu à i pesci di u litturali di Corsica, Bullitinu di a Sucità di scenzi storichi è naturali di Corsica, stamparia Ollagnier, Bastia, 1902
• Petru Casanova, Motti, Albiana, 2010
• Miniconi R., Molinier R., Nouhen D., Pimort M.-J. (1980) Pesci di Corsica è di u Mediterraniu, Parcu Naturali Regiunali di Corsica (in francesu)

Liami

• I pesci marini, Uffiziu di l'Ambienti di a Corsica

Da veda dinò

• i pesci di Corsica