Nostra Signora di a Misericordia

AJ	Issa paghjina ghjè scritta in aghjaccinu

Nostra Signora di a Misericordia ghjè a patrona di a cità di Savona. Veni festighjata u 18 di marzu. In quellu ghjornu di 1536, infatti, a Madonna sarìa apparsa parechji vorti à u cuntadinu Antonio Botta, in una lucalità à circa sei chilometri da u centru di a cità chì oghji hà presu u nomi di Santuariu.

In quellu periudu Savona stava impegnandu tutti i so forzi in una guerra contru à a Repubbrica di Ghjenuva, cunflittu inseritu in un panorama storicu chì vidìa allianzi cumpositi è chì vidìa a cità aora prussima à a capitulazziun.

A Madunuccia

U 18 di marzu si festighjeghja dunqua a Madunuccia in Aghjacciu. A celebrazioni cumincia a sera d'u 17 di marzu cù i prighieri aghjaccini tradiziunali davanti à a statua di Nostra Signora di a Misericordia, nantu à a Piazza di i Palmi.

U 18 di marzu, u cunsigliu municipali si renda in curteghju à a cattedrali pà assistì à a grandi messa. U dopu meziornu, a prucessiò faci u giru d'a cità è a statua di Nostra Signora di a Misericordia ghjè seguitata da a ghjenti.