NGC 1300

NGC 1300 hè una galassia spirali barrata distanti 69 milioni d'anni luci in a custiddazioni d' Eridanu. Hè stata scuparta da John Frederick William Herschel in u 1835.

NGC 1300

Vista da Hubble

In 2005 u telescopiu spaziali Hubble hà ussirvatu a galassia NGC 1300. Incù a so risuluzioni, una miriadi di picculi dittagli parichji di i quali ùn erani mai stati visti innanzi, si pò vida à traversu i bracci di a spirali, u discu è u bulbu, supergiganti turchini è russi, ammassi stiddari è rigioni di furmazioni stiddari sò beddi distinti à traversu i bracci è strisci di polvara intarstiddari in u discu è in a barra. Monda altri galassii monda distanti sò visibili in u fundu è sò visibili ancu à traversu i parti più densi di a galassia NGC 1300.

In u cori di a struttura spirali di NGC 1300, u nucleu mostra à so volta una struttura à spirali, chì hè larga circa 3 300 a.l.. Solu galassii incù barri enormi sembrani avè sta prubità, una spirali drentu un'antra spirali. Parichji mudeddi sughjiriscini ch'è u gasu in a barra pò essa incanalatu à l'internu è ch'è dopu furmendu una spirali finisci in u nucleu, induva pudaria alimintà un tafonu neru. A galassia hà un diamitru di circa 150 000 a.l..

Da vida dinò

• NGC 1672

Liami esterni

• HST: Barred Spiral Galaxy NGC 1300
• Hubble Heritage
• APOD: Barred Spiral Galaxy NGC 1300 (1/12/05)
• Best of AOP: NGC 1300 - Galassia spirali barrata in Eridanu Archiviu 2014-10-06 at the Wayback Machine
• ESA/Hubble-Barred Spiral Galaxy NGC 1300 Archiviu 2009-05-14 at the Wayback Machine

Fonti

'Ss'articulu pruveni in parti o in tutalità da l'articulu currispundenti di a wikipedia in talianu.