Galassia spirali barrata
Una galassia à spirali barrata (o Galassia spirale barrata) hè una galassia à spirali chì u so bulbu cintrali prisenta dui prulungamenti di steddi chì in u so insemu ricordani una barra chì attraversa u nucleu. In sti galassii i bracci di a spirali partini da a barra, nanzi ch'è da u nucleu. Si usa ancu u terminu più genericu galassia barrata, chì a barra hè prisenti ancu in galassii di diffarenti murfulugia.
A barra in a Strada di Roma
mudificàL'ussirvazioni cù u telescopiu spaziali Spitzer, in u 2005, ani furnitu una prova ch'è a Strada di Roma hà una barra chì passa à traversu u centru, stimata di a lunghezza di circa 27000 anni luci[1]. L'astrunomi ani fattu l'iputesa ch'è sta furmazioni hè timpurania è saria caghjunata da a forza di marea trà galassii.
Nonustanti quissa, monda astrunomi rifiutani l'idea d'una galassia à spirali barrata, è priferiscini attribuiscia à a Strada di Roma u mudeddu à spirali classicu.
Tipi è distribuzioni
mudificàIn a siquenza di Hubble stu tipu di galassii hè disignata com'è "SB" ed hè divisu in 3 suttucatigurii:
- SBa - i bracci di a spirali si avvuglinighjani finu à furmà una struttura glubali guasgi circulari intornu à u nucleu galatticu è à a barra, posta in pusizioni diamitrali
- SBb - à mità strada frà i SBa è i SBc
- SBc - i spirali sò monda più allargati è a cunfigurazioni glubali s'assumidda à quidda d'una lettera "S"
Esisti inoltri una classificazioni ultiriori (intrudutta in u 1959 da l'astrunomu Gérard Henri de Vaucouleurs[2]), chì distingui i (più rari) galassii SBd; inoltri esistini galassii irrigulari chì prisentani a struttura d'una barra, classificati com'è SBm (a Grandi Nivulu di Magellanu par asempiu hè spissu cussì classificata). Esistini ancu galassii linticulari chì prisentani barri è sò classificati com'è SB0.
Bench'è i galassii à spirali sighini monda numarosi, i spirali barrati sò circa u 15% di u tutali di i galassii[3]. Cuntendu ancu altri tipi di galassii barrati chì ùn sò micca spirali, in u catalogu RSA (Revised Shapley-Ames Catalog of Bright Galaxies) i galassii classificati com'è barrati sò circa u 25% di quiddi catalugati[4]. Eppuri ultiriori ricirchi sughjiriscini ch'è in campu radiu sighi pussibuli individuà un gran'numaru di barri micca ussirvati incù a strumintazioni ottica[5]. Sicondu stu studiu, a parcintuali di galassii barrati frà i spirali saria di circa u 72%.
Asempii
mudificà| Nomu | Tipu | Custiddazioni |
|---|---|---|
| M58 | SBc | Verghjina |
| M91 | SBb | Chjoma di Berenice |
| M95 | SBb | Lionu |
| M109 | SBb | Orsa Maiori |
| NGC 1300 | SBbc | Eridanu |
| NGC 1365 | SBc | Fornace |
| Strada di Roma | SBa | - |
Da vida dinò
mudificàLiami esterni
mudificà- (EN) Asempii di galassii SBa, discrizzioni è imaghjini
- (EN) Asempii di galassii SBb, discrizzioni è imaghjini
- (EN) Asempii di galassii SBc, discrizzioni è imaghjini
- (EN) The Fueling of Nuclear Activity: The Bar Properties of Seyfert and Normal Galaxies, da The Astrophysical Journal.
Noti
mudificà- ↑ (EN) Terry Devitt, Galactic survey reveals à new look for the Milky Way, University of Wisconsin, 16 austu 2005. URL cunsultatu u 30 ghjugnu 2007. ; inoltri: (EN) Robert Roy Britt, Milky Way's Central Structure Seen with Fresh Clarity, Space.com, 16 austu 2005. URL cunsultatu u 30 ghjugnu 2006.
- ↑ Template:Pdf Fundamenti di Astrofisica - Cap.16, Fisica di i Galassii di Attilio Ferrari. Dipartimentu di Fisica Generali di l'Università di l'Studii di Turinu
- ↑ Sapè.it, I galassii, De Agostini Scola SpA. URL cunsultatu u 30 ghjugnu 2007.
- ↑ (EN) undergraduate studies, Rilativi Frequency of Types, University of Virginia, Departement of Astronomy. URL cunsultatu u 30 ghjugnu 2007.
- ↑ P. B. Eskridge, J. A. Frogel, What is the True Fraction of Barred Spiral Galaxies? in «Astrophysics and Space Science», 1999, pp. 427–430.
Fonti
mudificà'Ss'articulu pruveni in parti o in tutalità da l'articulu currispundenti di a wikipedia in talianu.