Muonu

particella elementare

U muonu hè, siont'è u mudeddu standard di a fisica di i particuli, una particula elementaria di carica elettrica negativa, instabuli.[1] U muonu hà par spin 1/2 ed hà listessi prubità fisichi chì l'elittronu, eccituatu a so massa, 207 volti più maiori (105,66 MeV/c2, hè par quissa ch'eddu hè chjamatu calchì volta elittronu grevu).

Descrizzione mudificà

I muoni sò firmioni di a famiglia di i liptoni, com'è l'elittroni è i tauoni. I muoni sò nutati μ−. L'antimuonu, l'antiparticula assuciata à u muonu, hè nutatu μ+ ed hè incaricatu pusitivamenti. Annantu à Terra, i muoni sò prudutti da a disgrigazioni di pidini carchi. I pidini sò criati in l'alta atmusfera da l'azzioni di i raghji cosmichi. I muoni ani una durata di vita debuli (à l'incirca dui micrusicondi).

Eppuri, i muoni ani una grandi energia, cusì l'effettu di dilatazioni timpurali discritta da a rilatività ristrinta i rendi ussirvevuli à a suparficia di a Terra. Com'eddu esisti un neutrinu elettronicu assuciatu à l'elittronu, esisti dinò un neutrinu muonicu chì hè assuciatu à u muonu. I neutrini muonichi sò nutati νμ. I muoni pusitivi poni assucià si incù un elittronu par furmà una particula chjamata u muonium, o μ+e–. Par via di a diffarenza di massa trà u muonu è l'elittronu, u muonium s'assumiglia più à un atomu d'idrugenu ch'è u positronium, assuciazioni di un pusitronu incù un elittronu. A massa di u muonu hè vicina à quidda di u pidinu, ma eppuri un pocu di più debuli.

Misura di i flussi di muoni mudificà

A tecnulugia di a muografia misura i flussi di muoni. Quiddi diminuiscini à ogni travirsata di ostaculu. 'Ssa misura parmetti di ditarminà a dinsità di i sittori attravirsati da i muoni.

Noti mudificà

  1. 'Ss'articulu pruveni in parti da a wikipedia in francesu.

Da veda dinò mudificà