Mulone
| |||||
|---|---|---|---|---|---|
| |||||
| Boletus satanas | |||||
| Classificazione scentifica | |||||
| Regnu | Fungi | ||||
| Divisione | Basidiomycota | ||||
| Classa | Basidiomycetes | ||||
| Ordine | Boletales | ||||
| Famiglia | Boletaceae | ||||
| Generu | Boletus | ||||
| |||||
U Mulone (o Mulonu) (Boletus satanas) hè un tipu di fungu tossicu chì face parte di a famiglia di i Boletaceae. Hè urighjinariu di l' Europa suttana, sin'à a Turchia. A carne di u mulone hè soda, compatta è bianchiccia. Torna subitu russiccia quand'ell'hè tagliata, è ancu viulina o turchina dopu. 'Ssu cambiamentu di culore dopu à a tagliatura hè caratteristicu si 'ssa spezia di fungu. U cappellu di u mulone hè largu 10 à 30 cm. Hè carnosu è di forma emisferica. A carne hè spessa è molla. U pede di u mulone hè pangrossu, essendu largu sin'à 15 cm. E spore sò fusiforme è brune.
Si trova di vaghjimu in e liccete è in e faiete.
U mulone hè un fungu indighjestu è vilenosu.
Si pò cunfonde incù dui altre spezie di boletru:
- Boletus erythropus
- Boletus luridus
In Corsica
mudificàU mulone hè assai cumunu in Corsica. Hè ancu chjamatu u mulu (Dizz. U Muntese) o u tignone (I funghi, Adecec 2001).
Da vede dinù
mudificàReferenze
mudificà- Ciavatti, Petru (dir. redazzione) Dizziunariu U Muntese, 1984, Albiana
Ligami
mudificà- [https://web.archive.org/web/20061019105817/http://adecec.net/adecec-net/parutions/ghjurnata2001.html Archiviu 2006-10-19 at the Wayback Machine I funghi, Ghjurnata di a Lingua Corsa 2001, Adecec]