Santu Lisandru Sauli o Santu Lisandru (natu in Milanu u 15 frivaghju di u 1534 - mortu in Pavia l'11 uttrove di u 1593), hè statu un vescu d'Aleria.[1] Ricunnusciutu cum'è santu da a chjesa cattolica, hè u patrone di a cità di Cervione è festighjatu l'11 uttrove[2].

Santu Lisandru Sauli, vescu

Biugrafia mudificà

Lisandru Sauli hè natu u 15 frivaghju di u 1534 in Milanu, d'una famiglia genuvese di capizzoni da induve fubbenu esciuti parechji doghi è altri veschi è cardinali,. Intrì à 17 anni in l'cungregazione di i Barnabiti. Fece dinù a so prufissione sulenna u 29 sittembre di u 1554, è ne diventò u superiore generale u 19 aprile di u 1567.

Fubbe numinatu da u Papa Piu V à a testa di u viscuvatu d'Aleria u 10 frivaghju di u 1570, è fubbe cunsacratu u 12 marzu di listessu annu da Santu Carlu Borromeu.

Lisandru Sauli cunsacrò tutta a so vita à a so diocese, situata in una rigione d'estrema puvertà, in preda à i rivugli trà genuvesi è Corsi, vutendu si à i malati è à i povari, è andendu à spessu à visità i campagnoli.

Lisandru Sauli scrivì un catechismu mudellu, criò unu seminariu, rifurmò u cleru lucale, promulgò i dicreti di u Cunciliu di Trenta, fece custruisce numerose chjese, è fubbe cugnumatu l'apostulu di a Corsica[3].

U 10 maghju 1591, u papa Grigoriu XIV u manda in Pavia per rimpiazzà u cardinale Ippolitu Rossi chì si n'era mortu.

Lisandru Sauli morse in Pavia, l'11 uttrove di u 1593.

Beatificazione - canunisazione mudificà

 
Ritrattu di Santu Lisandru Sauli
  • Numerosi miraculi, in particulare di risanamentu li fubbenu attribuiti.
  • Lisandru Sauli fubbe beatificatu u 23 aprile di u 1741 da u Papa Benoît XIV chì dicia d'ellu : "Mentre vinti anni, ùn fubbe micca solu u vescu d'Aleria, ma l'apostulu di tutta a Corsica".
  • Lisandru Sauli fubbe canunizatu u 11 dicembre di u 1904 da u Papa Piu X.
  • Hè fistighjatu u 11 uttrove.
  • Lisandru Sauli hè u santu patrone di a cità di Cervione dapoi u 1963, e so reliquie ci sò cunsirvate in a cattidrale Santa Teramu.

Note mudificà

  1. 'Ss'articulu pruvene in parte da l'articulu currispundente di a wikipedia in francese.
  2. Nominis : Santu Lisandru Sauli
  3. Prighemu in Chjesa - numeru 262 - pagina 19 - Edizione Bayard

Bibliugrafia mudificà

  • U Beatu Lisandru Sauli, barnabitu, vescu d'Aleria Corsica, P. Albertu Dubois - Ed. St Paulu, 1904 (in francese)
  • Vita di u beatu Lisandru Sauli, barnabitu, vescu d'Aleria è di Pavia, Cardinale Gerdil, 1861 (in francese)

Ligami esterni mudificà