Danaide

E Danaide, figure di a mitulugia greca, eranu e cinquanta figliole di Danao (chì l'avia avute in parte da Polisso, in parte da Pieria è in parte da altre donne è ninfe), prutagoniste di vicende mitulogiche da e quale saria derivata l'origine di u populu di i Danai, vene à dì i Grechi. Ste vicende s'intriccionu incù l'antagunismu frà i dui fratelli Egittu è Danao, u prima essendu rè d'Egittu è babbu di 50 figlioli masci, u sicondu rè di Libia.

A botte di e Danaide

E 50 figliole di Danao, rifiutendu di marità si incù i figlioli d'Egittu chì eranu i so cucini, fughjitinu incù u babbu à Argo. I ghjovani u suvitonu è e custrinsenu à u matrimoniu. Danao dete à ognuna l'ordine d'uccide u so propriu maritu. Tutti ubbiditinu eccittuatu Ipermnestra, chì avia spusatu Linceo. In seguitu Danao fece spusà e 49 figliole incù principi è ghjente di u locu, dendu cusì origine à i Danai. Linceo ùn tarderà micca à vindicà i so fratelli uccidendu tutte e Danaide è risparmiendu da a morte a sola Ipermnestra.

A cundanna

E Danaide, in l'interpritazione di John William Waterhouse, 1902.

In l'inferni, e Danaide, fubbenu rinchjuse in a zona di u Tartaru è funu cundannate da Zeus à riempie d'acqua una grande botte chì avia u fondu tafunatu. Cusì quanta acqua ci lampavanu tanta ni escìa. Fù cusì usatu com'è manera di dì a botte di e Danaide paragunendu l'amministrazione o e famiglie spendione chì ùn riescenu micca à mette qualcosa da cantu è chì spendenu subitu subitu tuttu ciò ch'elle guadagnanu.

A ligenda di e Danaide fù una fonte d'inspirazione per a tragedia E Supplici d'Eschilu.

Nomi

Eccu un elencu di parechje di e Danaide cunnisciute:

#	Nome	Sposu	note
1	Actea	Perifante	Assassinò u maritu a prima notte di nozze annantu à ordine di u babbu.
2	Amimone, o Ipermnestra	Linceo	U prima nome significheghja "senza colpa", u sicondu "grande sposa"
3	Astioca (o Astioche)
4	Antelia	Cisseo	Assassinò u maritu a prima notte di nozze annantu à ordine di u babbu.
5	Autonoe	Euriloco	Assassinò u maritu a prima notte di nozze annantu à ordine di u babbu.
6	Brice	Ctonio	Assassinò u maritu a prima notte di nozze annantu à ordine di u babbu.
7	Cleodore (o Cleodora)	Lisso	Assassinò u maritu a prima notte di nozze annantu à ordine di u babbu.
8	Cleopatra	Ermo	Assassinò u maritu a prima notte di nozze annantu à ordine di u babbu.
9	Crisotemi	Asteride	Assassinò u maritu a prima notte di nozze annantu à ordine di u babbu.
10	Elettra	Peristene	Assassinò u maritu a prima notte di nozze annantu à ordine di u babbu.
11	Erato	Bromio	Assassinò u maritu a prima notte di nozze annantu à ordine di u babbu.
12	Euridice	Driante	Assassinò u maritu a prima notte di nozze annantu à ordine di u babbu.
13	Evippe	Imbro	Assassinò u maritu a prima notte di nozze annantu à ordine di u babbu.
14	Glaucippe	Potamone	Assassinò u maritu a prima notte di nozze annantu à ordine di u babbu.
15	Ipermnestra	Linceo	Unica superstite, ùn ubbidì micca à u vulè di u babbu.
16	Isonoe		Da Zeus ebbe Orcomeno.
17	Pirene	Agattolemo	Assassinò u maritu a prima notte di nozze annantu à ordine di u babbu.
18	Stigne	Polittore	Assassinò u maritu a prima notte di nozze annantu à ordine di u babbu.
19	Teano	Fante	Assassinò u maritu a prima notte di nozze annantu à ordine di u babbu.

Fonte

'Ss'articulu pruvene in parte o in tutalità da l'articulu currispundente di a wikipedia in talianu.