Danai

Dànai hè un terminu usatu com'è sinonimu di Grechi. Littiralamenti significheghja "a sterpa di Danao". Sicondu a lighjenda Danao era u rè di Libia, frateddu coppiu d'Egittu, rè di l'Egittu. Dopu à parechji vicissitudini fughjì u frateddu versu l'uccidenti, scalendu in Argu in Grecia.

Virghjiliu

Dànai è un epitetu par u terminu più genericu: Danai pò significà "uccidintali", oppostu à l'"uriintali" Troiani. In l'Iliadi di Omeru, l'attaccanti grechi sò discritti incù trè noma diffarenti, à spessu usati com'è sinonimi: Argivi (in Grecu: Argéioi (Αργείοι), Danai (Δαναοί) è Achei (Αχαιοί).

U terminu Dànai hè à spessu aprudatu da Virghjiliu in l'Eneidi, in a celebra frasa di Laocoonti "Timeo Danaos et dona ferentes", o par indittu quandu Didonu cheri à Enea di narrà li l'urighjini di l' insidii di i Danai (...et a prima dic, hospes, origine nobis / insidias, inquit, Danaum... I 753-754). U pueta latinu aproda l'epitetu incù rifirimentu à l'arti suturnu di l'Achei, discindenti di Danao, chì avia urditu u cumplottu par uccida l'Egiziadi, i so nipoti è ghjennari.

Da veda dinò

• Timeo Danaos et dona ferentes
• Egittu (mitulugia)