Belladonna

A belladonna
Atropa belladonna
Classifica scentifica
Regnu	Plantae
Divisione	Magnoliophyta
Classa	Magnoliopsida
Ordine	Asterales
Famiglia	Solanaceae
Generu	Atropa
Nome binuminale
Atropa belladonna Aiton, 1753

A belladonna (Atropa belladonna) hè una pianta chì face parte di a famiglia di e Solanaceae.

Descrizzione

E casce di a belladonna

A belladonna hè una pianta erbacea è vivace, incù un grande rizoma à parte di u quale si sviluppa un picciolu robustu, erettu è ramificatu, di un'altura da 70 à 150 cm. E foglie sò simplice, picciulate, di forma ovale è lungarina, altirnate in a zona superiore à e foglie più chjuche; cum'è u picciolu, sò cuperte à peli ghjandulari rispunsevuli di l'odore sgradevule emanendu di a pianta.

I fiori sò ermafroditi è pendente. Anu un caliciu à cinque sepali è una curolla à cinque petali à forma di campana è di culore viulinu scuru. A belladona fiurisce d'istate è l'impullinazione si face da l'insetti. I frutti sò baghi neri lucichenti, di piccula taglia, circundati di un caliciu chì, mentre a maturazione, si sviluppa à forma di stella.

Tassonumia

Nome latinu

U nome latinu atropa belladonna vene da i so effetti murtali è di u so usu cosmeticu. Atropus era difatti u nome (in grecu Ἄτροπος, vale à dì l'immutabile, l'inevitevule) di una di e trè Moire chì, in a mitulugia greca, taglia u filu di a vita, per richjamà ch'è l'ingerimentu di i baghi di 'ssa pianta pruvucheghja a morte.

L'epitetu specificu belladona face riferimentu à una pratica chì ricolla à a Rinascita : e signore usavanu un colliriu à basa di 'ssa pianta per dà u splendore è l'impurtanza à i so ochji datu a so capacità à dilatà a lucciula, chì agisce dirittamente annantu à u sistemu nerbosu parasimpaticu.

Ambiente

A belladona cresce in modu sporadicu in e zone muntose è sottumuntose insin'à un'altitudine di 1400 metri. Priferisce e terre calcarie è l'arici di boschi freschi è adumbrati, cum'è e faiete. À u statu selvaticu, hè prisente in Europa cintrale, in Africa di u Nordu è in Asia occidentale insin'à u Pacchistanu.

Lessicu

A belladonna hè ancu chjamata a beddadonna.

In Corsica

A belladonna hè citata in i Puisii ghjucosi di Paulu Matteiu di la Fuata:

La beddadonna hè bedda ed hè pumposa;

Hè sempri verdi, fiurisci com’è rosa;

Ma à la fini di lu contu,

Hè una pianta vilanosa;

Bibliugrafia

• Conrad, Marcella, I corsi è e piante salvatiche, avà è innanzi, 1981, Adecec
• Ciavatti, Petru (dir. redazzione) Dizziunariu U Muntese, 1984, Albiana
• Della Foata, Paulu Matteiu, 1973, "Poesie Giocose in lingua vernacula della pieve d'Ornano Archiviu 2012-01-11 at the Wayback Machine"
• Paulu Simonpoli, E piante salvatiche - Cunniscenze è usi, 1982, Parcu Naturale di Corsica

Da vede dinù

• a flora di Corsica