Austinu Casanova

puliticu corsu

Dumenicu Austinu (Dominique Augustin in francese) Casanova Grimaldi (* Riventosa, 28 di lugliu 1916; † Aiacciu, 25 di marzu 2008) hè statu un puliticu antifascista è cumunista, è autore corsu.

Austinu Casanova
A Riventosa, u paese nativu di Austinu Casanova

Biugrafia mudificà

Austinu Casanova Grimaldi, hè un resistente cumunistu di a Seconda Guerra Mundiale, natu à a Riventosa in 1916.

 
Blasone di u paese di a Riventosa, pieve di Venacu

U so babbu ghjera Francescu Maria Casanova di Riventosa, nipote di l'autore Santu Casanova è a so mamma ghjera Ghjulia Mattea Grimaldi, di sterpa curtinese è niulinca di Calacuccia.

Antifascista cunvintu, si oppone in 1940 à u regime di Vichy.

Quandu u Fronte Naziunale hè statu strutturatu, ellu diventa u rispunsevule di l'urganizazione di u F.N in u cantone di Venacu cù Dumenicu Cesari, capu militare è Ghjuvan-Battista Giorgetti, rispunsevule puliticu (u Fronte Naziunale era un muvimentu di resistenza chì ùn hà benintesu nunda à chì fà cù l'attuale Fronte Naziunale).

 
Calacuccia, u paese di i so babboni da u Niolu

Austinu si occupa in particulare di i paesi di a Riventosa, a Casanova, u Poghju è San Petru di Venacu.

À l'uccasione di a so attività, hà ricivutu in a so famiglia : Nunziu Benielli (da u cugnome di guerra Sambucucciu), Pierre Pagès (Georges), Petru Simonpietri (Papa) di Bastia.

Quandu i trè ferroviarii Curtinesi (Ghjiseppu Ferrandi, Ghjacumu Antone Giacobbi è Matteu Marcelli) anu scappatu da a prighjone di Aiacciu, anu trovu rifughju à a Riventosa in a famiglia Casanova, pò, cù l'aiutu di a famiglia Contini, à Amaghju (cumune di a Riventosa), chì hè diventatu a base di partenza di assai clandestini.

 
A chjesa Sant'Antone di a Riventosa, in a listessa stretta di a casa familiare di Austinu Casanova

U gruppu clandestinu cù u quale Austinu era in cuntattu rigulare hè statu cunduttu da Moise Ferrandi, chì avìa participatu à a riunione storica di Porri.

Austinu era profundamente ligatu à a Corsica è à a so lingua, chì, dicìa : "hè cusì bella in a so diversità." Fù sepultu in 2008 à a Riventosa, u so paese, chì era cusì impurtante pè ellu.

Durante a Seconda Guerra Mundiale, hà vissutu qualchi tempi a Costantina in Algeria, induve truvò un rifugiu, mentre era ricercatu da u corpu ausiliariu di e squadre d'azione di e Camisgie Nere.

À partesi da l'autunnu di 1943, hà cumbattutu i fascisti in Italia trà Salernu è Siena cù a 3° Divisione di Fanteria di Algeria.

 
A Medina di Costantina in Algeria, induve Austinu hà vissutu durante a guerra

Famiglia Casanova mudificà

Da u so babbu avia urighjini algerine e spagnole. Austinu Casanova hè u nipote di l'autore irredentista Santu Casanova è u fratellu di u pueta Marcu Casanova.

Famiglia Grimaldi & Sindel mudificà

Da a so madre Ghjulia Grimaldi, avìa origini luntane svizzere.

Vita persunale mudificà

Austinu si hè maritatu cù Suzanne Angelini, cugina di u famosu banditu Nunziu Romanetti da Calcatoghju.

In 1957 hanu avutu una figliola, chjamata Dumenica Casanova.

Altri Liami mudificà