A morte di Filicone
mudificà
- Impiegà vogliu la musa
- Per fà ne duie canzone
- Mi ritrovu ind'è le poghje
- È dimoru in Albitrone
- Ne sò tristu è scunsulatu
- Chì ghjè mortu Filicone.
- Quand’elli a senteranu
- I cacciadori in Casinca
- Ch’ell’hè mortu Filicone
- À lu pede d’un listincu
- N'hè mortu bellu onoratu
- Cù un cignale capu à capu.
- L'aghju fattu un cimiteriu
- Tuttu cintu à muraglione
- Nunda ch'è di maestranza
- Ci aghju qualchì pataccone
- Senza cuntà l'altru restu
- Eppo tutte le curone.
- L'aghju fattu la so cascia
- Tutta piena di pattume
- Po ripostu lu so capu
- Nantu à un cuscinu di piume
- Ùn vogliu fà cum'è quelli
- Chì li si lampanu in fiume.
