18 nuvembri

Uttrovi - Nuvembri - Dicembri
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

U 18 nuvembri hè u 322esimu ghjornu (u 323esimu ghjornu s'è l'annata hè bisesta) di u calendariu gregorianu.

Evenimenti

1916 - Prima Guerra Mundiale, Francia: Finisce a Battaglia nant'à a Somme.
1918: A Lettonia dichjara a so indipindenza.

Nascite

1857 - Pompeo Calvia (* in Sàssari), puetu è scrivanu sardu-talianu
1982 - Marlène Schiappa (* Parighji), scrittrice è puliticante francese d'urighjine corsa.

Morte

Celebrazione

Feste

I Santi

Santu Odone. Santu Fredianu.

Odone hè natu l'annu 879 in Turone (l'attuale cità di Tours, in l'Indre-et-Loire). Si hè fattu frate à un'epica chì u cleru era in manu à u diavule. Dopu à a nascita di Odone, ci fù, in un seculu, 32 papa. Subitu eletti, eranu in periculu. Tenianu un annu, dui, trè, è po, un bellu ghjornu, una disgrazia i mandava in l'altru mondu.

Odone era figliolu di un signoru di a Turena. Da chjucu, u babbu l'avia cunsacratu à San Martinu. A' l'età di 20 anni, era unu di i 150 canonichi prebendati chì curavanu a tomba di u santu.

A' 30, si face frate. L'annu dopu si trova in Clubiaccu - oghje Cluny - a celebre abbazia benedittina chì venia di esse crata da u duca d'Acquitania è rifurmata da San Bernone.

Dicesette anni dopu, Odone succede à Bernone è dà, à l'abbazia, una urganizazione tale chì, per dui seculi, averà una grande auturità, micca solu in l'affari di a Chjesa, ma dinù in a pulitica di i Stati eurupei.

Odone era un urganizatore di prima trinca, fermu, severu è, attempu, un omu alegru. Durante a recreaziò, passava u so tempu à cuntà stucciuli è à fà ride i frati. E' po, tutta a so vita, hà scrittu puesie è musica.

A' l'età di 63 anni, si truvava in Roma pè a quarta volta, quand'ellu si rese contu chì avia più pocu à campà. Si spicciò di parte è, ghjuntu nantu à a tomba di San Martinu, si morse. Era u 18 nuvembre di l'annu 942.

Fredianu era un frate irlandese di u seculu sestu, forse figliolu di rè, venutu in Roma, una prima volta in pelegrinaggiu, una seconda per studià. Tandu, ùn turnò più in u so paese. Si stabilì accantu à Lucca, aldifora di l'accintu rumanu è, cù i so discepuli fece una chjesa dedicata à San Vincensiu, una chjesa chì, oghje, porta u so nome. L'annu 560 fù fattu vescu di Lucca. Dece anni dopu, a regione fù invasa da i Lombardi. Ellu, ùn ebbe altra premura chè di cunverteli.

Un annu chì u fiume chjamatu Serchio sburdava è minacciava a cità, Fredianu li fece cambià di lettu cù un semplice colpu di vanga. Quessa hè a legenda, ma a verità deve esse chì, grazia à i studii fatti in Roma, fece fà travagli facili per una deviazione chì dete l'acqua, è dunque a prusperità, à a campagna di Lucca.

Fredianu hè mortu in Lucca u 18 marzu di l'annu 588. A festa hè celebrata u 18 nuvermbre, anniversariu di a traslazione di e so reliquie à u seculu VIII.[1]

In Corsica

Ligami

[2] Archiviu 2006-04-22 at the Wayback Machine

I mesi di l'annu

Ghjennaghju - Ferraghju - Marzu - Aprile - Maghju - Ghjugnu - Lugliu - Aostu - Settembre - Uttobre - Nuvembre - Dicembre