Voceru di Maria Felice di Calacuccia
U Voceru di Maria Felice di Calacuccia hè tipicu di i voceri di Corsica. Issu voceru, originariu di Calacuccia, in Niolu, hè statu cumpostu da una surella, Maria Felice, dopu à a morte di u so fratellu, chì si chjamava Lariu.
U voceru
mudificà- Eu filava la mio rocca,
- Quandu intesu un gran' rumore
- Era un colpu di fucile,
- Ch'è m'intrunò in lu core
- Parse ch'unu mi dicissi :
- Corri ; u to fratellu more.
- Corsu in camera suprana,
- È spalancaiu la porta.
- Hò livatu ind'è lu core,
- Disse, è eiu cascaiu morta
- S'allora nun morsu anch'eiu
- Una cosa mi cunforta.
- Vogliu veste li calzoni,
- Vogliu cumprà la terzetta.
- Per mustrà la to camisgia
- Tantu nimu nun aspetta,
- À taglià si la so barba
- Dopu fatta la vindetta.
- À fà ne la to vindetta
- Quale voli chì ci sia?
- Mammata vicinu à more?
- O la surella Maria?
- Si Làriu ùn era mortu,
- Senza strage nun finia !
- D'una razza cusì grande
- Lasci solu una surella,
- Senza cugini carnali
- Povera, orfana, è zitella.
- Ma per fà la to vindetta,
- Sta sicuru, basta anch'ella.