Valle (pieve)

Vaddi hè u nome d'una pieve di Corsica, à u Medievu. Facia parte di u vescuvatu d'Aiacciu.

Lucalizazione di a pieve di Vaddi

Geografia

U territoriu di a pieve di Valle currisponde oghje à e cumune di :

• Suddacarò ;
• Casalabriva ;
• Ulmetu.

  

  U paese di Casalabriva, in a pieve di Valle

Chjesa pievana

Ci sò state duie chjese pievane, d'appressu à Geneviève Moracchini-Mazel. A pieve antica saria stata Santa Lucia, nant'à a cumuna di Suddacarò. Si trovanu i lochi chjamati Pieve Vechja è Santa Lucia. Ùn ferma più nunda di sta chjesa. E petre anu ghjuvatu à custruisce una casetta.

A pieve nova saria stata quella di San Ghjuvanni Battista, nant'à a cumuna di Casalabriva. Fermanu e ruvine, à 15 minuti di marchja sott'à u paese, induve ci hè l'anticu paese di San Ghjuvanni, distruttu è abandunatu.

Da vede dinù

Lista di e pieve di Corsica