U zitellu
U zitellu hè una puesia scritta da Petru Lucciana (1832-1909), dettu Vattelapesca. 'Ssa puesia hè stata publicata prima in L'Annu Corsu, in u 1925 (pagina 140).
U zitellu
mudificà- Di maghju, una matina, eo spassighjava
- À u mercatu frà i fiori è frà e zitelle
- — E cipolle è e vechje ùn le guerdava -
- Quandu scorsi un criampulu ch'è à e stelle
- L'ochji negri sbrillati indirizzava...
- À e stelle, nò (ùn ci n'era) ma a trè belle
- Chjarasge trugne, poste in sù e curbelle
- Di brocculi è carotte... e suspirava.
- Daretu à e spalle ind'una di e so mane
- Pendia, appena strintu, un po' di pane.
- Or mentre tutt'à i frutti l'attenzione
- Ellu porta, li passa arente un cane
- È a pagnotta li arruffa, a cullazione...
- Oh, tirate ne voi a cunclusione!