U Puntettu

U Puntettu, in talianu Pontetto, hè u nome di un quartieru storicu di Bastia, situatu trà u Vechju Portu è a Citatella .

Vista generale di U Puntettu

Situazione

U Puntettu in u 1892

U Puntettu si trova nant'à a parte sud di u Vechju Portu di Bastia. Hè delimitatu à u nordu da A Marina, à l'este da a cala Albert Gilio, à u sud da a scalinata Romieu, à l'ueste da u carrughju di U Colle.

A Citatella è U Puntettu

Storia

Hè difficiule di sapè da quandu datanu e prime case di Puntettu. A so storia hè ligata à u sviluppu di Terra Vechja, u quartieru di u Vechju Portu, dopu à a fundazione genuvese di Terra Nova, a Citatella, à u XIVu seculu .

Case di U Puntettu

Orìgine di u nome

U nome di U Puntettu vene d'un ponte chì ùn esiste più, è chì francava in i tempi u fiume di U Guadellu, chì si ghjetta in u Vechju Portu. Stu fiume hè statu canalizatu, ùn si vede più.

Punti di interessu

case storiche

Ci sò belle case in u quartieru di U Puntettu. In particulare u Palazzu Rinesi-Romieu, a Casa Bonavita è a Casa Montesoro.

U Palazzu Rinesi-Romieu

Hè a famiglia Rinesi, ricca famiglia di cummercianti bastiacci chì anu fattu custruisce a so casa nant'à u latu sud di u Vechju Portu di Bastia. Una figliola Rinesi si maritò cun un certu Romieu, maestru cultellaghju originariu di Langres.

U Palazzu Rinesi-Romieu

A Casa Montesoro

I Montesoro eranu una ricca famiglia bastiaccia. A casa Montesoro hè situata Piazza di l'oliu.

A Casa Montesoro

A Casa Bonavita

Si trova à l'angulu trà u carrughju di u Bastione è a Ricciata San Carlu Vechju.

Casa Bonavita

A scalinata Rinesi-Romieu

L'inseme custituitu da a rampa, a scalinata è u giardinu di Romieu sò catalogati cum'è munumenti storichi da u 2017 . Custruitu à u XIXmu seculu, a scala hè opera di u famosu architettu bastianu Paul-Augustin Viale .

• L'escalier et le jardin Romieu
• 
• 
• 

U Puntettu in a literatura

U scrittore corsu Sebastianu Dalzeto (1875-1963) hà resu famosu u quartieru di U Puntettu, in u so rumanzu Pesciu Anguilla, d'induve esce l'eroe. Hè u primu rumanzu in lingua corsa.

Nomi di lochi

Eccu unepochi di nomi di lochi è di carrughji di U Puntettu :

• Rue Giulietta
• Rue du Pontetto
• Rue du Bastion
• Rue des Mulets
• Quai Albert Gilio
• Rue du Colle
• Piazza di l'Oliu
• Ricciata San Carlu Vechju, o Descente de la Gabella
• U Mughjò

Dibattitu

In u 2013, u Puntettu si ritrova à u core di a campagna municipale di Bastia. Un prughjettu chì prevede a distruzzione d'une pochi di casali, cumpresa a Casa Montesoro, hè stata cuntestata da certi candidati .

Da vede dinù

• Vechju Portu di Bastia
• Citadella di Bastia