Theobroma cacao
| |||||
|---|---|---|---|---|---|
| |||||
| Theobroma cacao | |||||
| Classificazioni scentifica | |||||
| Regnu | Plantae | ||||
| Divisioni | Magnoliophyta | ||||
| Classa | Magnoliopsida | ||||
| Ordini | Malvales | ||||
| Famiglia | Sterculiaceae | ||||
| Genaru | Theobroma | ||||
| Nomu binuminali | |||||
| Theobroma cacao | |||||
L'arburu di cacao o cacao (Theobroma cacao) hè un arburu sempreverde chì appartene à a famiglia di i Sterculiaceae.
Etimulugìa
mudificàA parolla Cacao vene da u spagnolu cacao, chì vene da u maya cacau ; cac chì significa rossu è cau chì significa forza è focu. I Maya anu tramandatu a cultura di u cacao à l'Aztechi, i quelli anu chjamatu u cacao cacahuatl in nahuatl. [1] Carl Linnaeus hà descrittu l'arburu di cacao in u 1753 sottu u nome scentificu Theobroma cacao, in u so libru Species plantarum.
Distribuzione giugrafica
mudificàL'arburu di cacao hè una spezia di pianta tropicale urighjinaria da u Messicu. Sta pianta cresce ancu naturalmente ind'a furesta amazzonica, nantu à e rive di u fiume Orinoco, ma ùn sò micca e listesse sottuspezie.
Cultura di theobroma cacao
mudificàL'aztechi adupravanu sta pianta per cultivà u cacao. Cù u cacao, facianu bivende alcoliche.
Clima
mudificà.JPG)
L'arburu di cacao vene da paesi tropicali. Necessita un clima tropicale o equatoriale cù una timperatura media di 25°C. Pò more à menu di 10°C. Necessita ancu assai acqua, trà 1 500 è 2 500 mm per annu. Sottu à l'equatore, l'arburu di cacao pò cresce sin'à 1000 m sopra u livellu di u mare. Un clima caldu è ùmidu tuttu l'annu hè perfettu per u sviluppu di stu arburu.
Paesi pruduttori di cacao
mudificà| I Principali paesi pruduttori di cacao in u mondu (2017)[2] | |||
|---|---|---|---|
| Paese | Produzione (2017) | % (2017) | |
| 1 | Costa Eburna | 2 034 000 t | 39 % |
| 2 | Ghana | 883 652 t | 17 % |
| 3 | Indunesia | 659 776 t | 13 % |
| 4 | Nigeria | 328 263 t | 6,3 % |
| 5 | Camerun | 295 028 t | 5 % |
| 6 | Brasile | 235 809 t | 4,5 % |
| 7 | Equatore | 205 955 t | 3,9 % |
| 8 | Perù | 121 825 t | 2,3 % |
| 9 | Ripublica Dominicana | 86 599 t | 1,6 % |
| 10 | Messicu | 27 287 t | 0,5 % |
Africa
mudificà
U cacao fù introduttu in Costa Eburna in u 1870 è in u 1880 a prima piantazione di cacao nascì in u paese d'Elima. L'Africani avianu pocu interessu in sta nova cultura. E prime piantazione di cacao sò nati durante a culunisazione francese. U principiu di sta prima cultura d'esportazione fù lentu. L'abitanti ùn vulianu cultivà nunda altru ch'è i so campi agriculi tradiziunali. Ma a produzione di cacao hà crisciutu. E plantazione sò divintati più importante. In u 1920, a Costa Eburna spurtava 1 023 t di cacao.[3] Oghji, a Costa Eburna hè unu d'i due principali paesi pruduttori mundiali di cacao, cù u Ghana.
America è Caraibi
mudificàU Messicu hè u paese d'urigina di u cacao. Ci sò ancu sottuspezie di theobroma cacao naturalmente prisente in l'Amazonia. In u 2017, u Messicu era u dicèsimu paese pruduttore di cacao cù 27 287 t. In u 2022, a Culumbia hà inavanzatu u Messicu, cù una produzione di 62 158 t.[4] In u mare di i Caraibi, a Ripublica Duminicana hè un importante pruduttore di cacao (nuvesimu paese pruduttore in u mondu in u 2017).
Asia
mudificàL'Indunesia hè u terzu paese pruduttore di cacao in u mondu.
Cicculata
mudificà
U cacao hè impiigatu per fà a cicculata. Anticamenti, i Maya poi l'Aztechi impieganu u cacao per fà bivende alcoliche è altri alimenti, ma ùn ci era zuccaru cù questu.
Noti è riferenze
mudificà- ↑ Theobroma cacao, situ uffiziale di u guvernu messicanu (in spagnolu)
- ↑ Statistiche da u FAO
- ↑ Cacao : des plantations en mesure d’affronter la concurrence étrangère, Le monde diplomatique (in francese)
- ↑ Crops and livestock products, FAO (in inglese)