Terra di Lavoru

A Terra di Lavoru hè una regione storicu-geografica di l'Italia meridiunale, cunnusciuta in u passatu dinù cum’è Campania Felix è oghje suddivisa trà Campania, Laziu è Mulise. Cun qualchì cambiamenti cunfinali ind’è u corsu di i seculi fù una pruvincia di u Regnu di Napuli, quindi di u Regnu di e Duie Sicilie è infine di u Regnu d'Italia, fù suppressa è suddivisa frà diverse pruvince taliane cù u decretu legislativu reale n. 1 di u 2 di ghjennaghju 1927 durante u regime fascista.