Tarratufula

A tarratufula
Pisolithus arhizus
Classifica scentifica
Regnu	Fungi
Divisioni	Basidiomycota
Classa	Agaricomycetes
Ordini	Boletales
Famiglia	Sclerodermataceae
Genaru	Pisolithus
Nomu binuminali
Pisolithus arhizus Linnaeus, 1753

A Tarratufula (Pisolithus arhizus) hè un tipu di funzu chì faci parti di a famiglia di i Sclerodermataceae. U nomu latinu arhizus veni da l'epitetu "arhizon", chì significheghja senza radica ("a" : senza, in grecu "rhiza" : radica).

Discrizzioni

A tarratufula pò essa cunfusa incù Pisolithus albus, chì pussedi un peridium di culori biancastru è una gleba giadda virdiccia à maturità è si scontra dinò in a machja corsa.

A tarratufula hè un funzu abbastanza cosmupolitu (si trova in Auropa, Africa, Asia, America Cintrali,...) bench'è abbastanza raru. Nasci piuttostu di vaghjimu è masimu in i terri povari, secchi, à spessu rinosi.

Tassunumia

Parechji sinonimi di Pisolithus albus sò:

• Lycoperdon tuberosum
• Lycoperdon arrhizon
• Scleroderma tinctorium
• Lycoperdodes arhizus
• Pisolithus tuberosus
• Pisolithus turgidus
• Pisolithus tinctorius

Usi

A tarratufula hè un cumpunenti maghjori in i mischii di funzi chì sò apradati in u giardinaghju com'è putenti stimulatori di radichi.

In Corsica

A tarratufula hè mori cumuna in Corsica. Si trova in i loca tufosi. Nasci piuttostu di vaghjimu.

Si faci usu di a tarratufula in a gastrunumia corsa: si taglia à fetti fini, si faci sfrighja è si metti in a frittata.

Lessiculugia

In corsu, a tarratufula hè ancu chjamata u tarra trovulu, a terratruffia o u terratrufulu.

Riferimenti

• Petru Treanton, A miculogia [1], Adecec, 2000

Liami

• [https://web.archive.org/web/20061019105817/http://adecec.net/adecec-net/parutions/ghjurnata2001.html Archiviu 2006-10-19 at the Wayback Machine I funghi, Ghjurnata di a Lingua Corsa 2001, Adecec]