Xu Da (caratteri chinesi: 徐達; pinyin: Xú Di?; 1332 - 1385) hè statu un generale chinese chì sirvì sottu u prima imperatore di a dinastia Ming, Hongwu.

Xu Da

Xu era ancu u babbu di Xu Yihua, chì saria divintata imperatrice spusendu u terzu succissore à u tronu Ming, Yongle.

Biugrafia mudificà

In u 1353, Xu s'unì à i ribelli di i Turbanti Rossi, un'urganisazione chì vulia rimbarscià u guvernu Yuan. Sottu à u cummandu di Zhu Yuanzhang (futuru fundatore di a dinastia Ming incù u nome d'Hongwu), cunquistò parechji territorii appartinenti à i signori di a guerra è, in u 1369, cummandò un attaccu contru a capitale Yuan, Pechino. L'ultimu imperatore mongulu, Huizong, fù dunque custrettu à fughje versu u nordu[1].

Xu cummandò dunque un perseguimentu versu e forze Yuan chì eranu puru in ritirata, ma durante u tragettu, scuntrò Yi Seonggye (fundatore di a dinastia Joseon in Corea), à u quale era statu cummandatu di dichjarà a guerra à l'armata chinesa. A prisenza di Xu cunfusi i generali cureani chì, invece, s'allionu propriu incù i chinesi. Fù cusì chì l'armata di Xu riiscì à invade i territorii monguli, ghjunghjendu à sacchighjà a capitale Karakorum[1]. Cintunare di nobile monguli fubbenu catturati in u 1370. L'armata di Xu Da s'avventurò finu à Transbaikalia, u puntu più sittentriunale ch'un'armata chinesa aghji mai raghjuntu[1].

Morte mudificà

U generale Xu murì in u 1385 in circustanze micca sempre chjarite. Ùn fù micca trà l'accusati di cuspirazione per l'assassiniu di l'imperatore Hongwu, bench'è molti di i so cumpagni chì avianu cuntribuitu à a fundazione di a dinastia Ming fussenu stati cundannati à morte. Una ligenda narra chì Xu Da fusse statu allergicu à a carne d'oca è chì Hongwu l'averisti inviatu in rigalu, senza sapè la, probbiu tale tipu di carne. Xu Da saria dunque mortu, à causa di a so allergia[2].

Cultura di massa mudificà

Xu Da hè ancu un persunaghju d'un rumanzu wuxia di Louis Cha, The Heaven Sword and Dragon Saber[3]. In a storia, Xu hè membru di u Cultu Ming, un'urganisazione ribella volta à rimbarscià u guvernu mongula di a dinastia Yuan. Altri persunaghji impurtanti incù i quali s'intreccinu e vicende di Xu Da sò i rialmente esistuti Zhu Yuanzhang (chì saria diventatu dopu l'imperatore Hongwu), Chang Yuchun è altri generale appartinenti à i Turbanti Rossi, ma paradussalmente u prutagonistu di u rumanzu è capimachja di u Cultu Ming, Zhang Wuji, hè statu inventatu da l'autore. Tali Zhang rigala à Xu u Libru di Wumu, un'opera chì discrive strategie militare chì saria statu scrittu da u famosu generale Song Yue Fei. Xu beneficerà multissimu di a littura di u libru, chì li permitterà di diventà un cummandante di prima trinca di l'armata è di vidà i ribelli versu a vittoria in a battaglia decisiva contru à e forze Yuan. Xu Da hè un di i maiori aiutanti di Zhu Yuanzhang in a fundazione di a dinastia Ming.

Note mudificà

  1. 1,0 1,1 1,2 "Xu Da" - Encyclopædia Britannica. 2008. Encyclopædia Britannica Online. Link cunsultatu in data 9 uttrove 2008
  2. Deng, Yinke Storia di a China. Pechino: Chjina Intercontinental Press, 2007. ISBN 9787508510989 pagine 131-132
  3. http://wuxiapedia.com/Novels/Index/Heavenly-Sword,-Dragon-Slaying-Sabre Archiviu 2012-02-19 at the Wayback Machine, Tales of the Heavenly Sword and the Dragon Slaying Sabre,accessu 24 frivaghju 2012

Da vede dinò mudificà

Fonte mudificà

'Ss'articulu pruvene in parte o in tutalità da l'articulu currispundente di a wikipedia in talianu.