Un pezzu di petra nera
Un pezzu di petra nera hè un rumanzu cortu, una "nuvella" creata da Anghjulu Canarelli. Hè statu publicatu prima in a rivista litteraria Avali è ripublicatu dopu annantu à u blogu di a rivista. Anghjulu Canarelli hè di Livia è metti in scena u so circondu rucchisgianu. L'azzioni si passa in muntagna, trà Asinau, Alcudina è u Cuscionu. Si ritrova quì l'universu particulari d'Anghjulu Canarelli, in a muntagna corsa, incù a so flora rara, a so natura schietta è a so vita campagnola è pastureccia. In 'ssu ambienti specificu nasci a prosa puetica d'Anghjulu Canarelli, incù un suppulu di magia.
Vucabulariu mudificà
A lingua aduprata da Anghjulu Canarelli hè ricchissima. Hè carattaristica di a variità rucchisgiana di a lingua corsa, incù monda paroli dirivati di u bassu latinu è ancu prilatini.
- u spinursali : a crista o cresta
- i burrascona : u burrasconu = una forti burrascata
- un buttighju : una goccia, una candedda
- i buttighjona : u buttighjonu = u grossu buttighju
- i scurrutona : u scurrutonu = u timpurali, a timpuralata
- un pizzineddu : un picculu pezzu
- bizzichiddaiani : bizzichiddà = tuccà à picculi colpi incù u bizzicu
- u cilestu : u celi
- un tighjali : una grossa petra platta
- i brandona : u brandonu = pezzu di ghjacciu longu chì s'appinza à capu in ghjò
- nera catramu : nera nera
- scunghjiva : scunghja = fà sdrughja, fà spariscia
- sbalasgiava : sbalasgià = apra
- l’inguirnonu : u grossu inguernu
- i rusgiuledda : u rusgiuleddu = u picculu rùsgiulu = cosi minuruchji, tamantineddi ; furmata da "rusgiulu" è da u suffissu "-eddu"
- ristanghittava : ristanghittà = rimetta a stanghetta
- ostia madonna... : pà la Madonna !
- scapizzendu : scapizzà = caccià u capu
- smizata : smizà = sparta in dui
- i tàcculi : a tàccula, a chjaccula = aceddu neru è bizzichigiaddu chì stà in muntagna
- infurià si : metta si in furia, in collara
- ruzzà = briunà, fà monda rimori
- ciòciara : ùmita
- u fumaccionu : a grossa fumaccia
- dunnina : di donna
- pudditrina : di puddetru
- i pughjulani : u pughjulanu = l'abitanti di u poghju
- ribaldunati : abandunati
- magàcciuli : a magacciula = ughjettu postu par fà a paura à la ghjenti o à l'aceddi
- andacciani : un andaccianu = un vagabondu
- a castizzedda : una piccula càstizza
- u violu : u stradeddu, a piccula strada; furmatu à parta da "via" è da u suffissu "-olu"
- ricalzulata : rialzata
- a bonanova : a bona nutizia
- i grandinona : un grandinonu = una grossa grandinata
- s’infurionu : infurià si = metta si in furia, in còllara
- l'imbutonu : u grossu imbutu
- a vudinedda : u fiumiceddu
- mundati : mundà = caccià a scorza
- stracquata : in terra
- strappiddata : strippata
- si scuppulighja : si scuppuleghja, si sciappa in dui
- l'uvareddu : u picculu ùvaru
- u pizzittinu : u picculu pezzu ;
- mèlinu : nè caldu nè fritu
- si sparguddonu : sparguddà si, sparguglià si = falà si in u disordini
- sfarrachendu : sfarracà = apra
- un piulaconu : un aceddu ghjovanu ghjovanu
- à nurdivu : versu u nordu
Liami mudificà
- Un pezzu di Petra nera : una "nuvella", rumanzu cortu publicata in a rivista Avali, N°3