Kazimierz Kuratowski
Kazimierz Kuratowski (Varsavia, 2 di frivaghju 1896 - 18 di ghjugnu 1980) hè statu unu di i maiò matematichi polacchi.
Biografia mudificà
Kuratowski hè statu da u 1927 prufessore di matematica à u Politechnika Lwowska (Politecnicu di Lviv, in Polonia) è da u 1934 à l'Università di Varsavia. In u 1945 hè diventatu membru di a Polska Akademia Umiejętności (l'Accademia Polacca di l'Insignamentu), è in u 1952 di l'Accademia Polacca di e Scenze. Da u 1948 à u 1967 hè statu direttore di l'istitutu di matematica d'issa accademia, è par tanti anni hè statu ancu presidente di l'International Mathematics Society è di a Sucetà Matematica Polacca.
Kazimiertz Kuratowski hè statu un di i frequentatori di u celebre Kawiarnia Szkocka (Caffè scuzzese), induve i matematichi di a formidevule scola polacca di i primi decennii di u XX seculu eranu avvezzi à scuntrà si per confrontà i so idee.
A ricerca mudificà
A ricerca di Kuratowski hè statu centrata principalmente annantu à u studiu di e strutture metriche è topologiche astratte. Frà i so numerosi contribuzione à la matematica, si pò mintuvà:
- u studiu di i spazii polacchi (chì prendunni u so nome prupriu da i matematichi polacchi chì l'hanu studiati, com'è Wacław Sierpiński, Alfred Tarski, è dinù Kazimierz Kuratowski);
- A caratterisazione di i spazii di Hausdorff per mezu di i cusìdetti assiomi di chjusura di Kuratowski;
- A dimostrazione di u Lemma di Kuratowski-Zorn;
- In teoria di i grafi, a celebre caratterisazione di i grafi planari, per mezu di u Teorema di Kuratowski per i grafi;
- L'identificazione di i coppii ordinati incù l'inseme .
- L'introduzione di l'algoritmu di Tarski-Kuratowski relativu à a risoluzione di e formule aritmetiche.
Da vede dinù mudificà
Bibliografia mudificà
- (in inglesu) Kazimierz Kuratowski, 1980, A Half Century of Polish Mathematics: Remebrances and Reflections, Pergamon Press, Oxford, ISBN 0-08-023046-6
- (in inglesu) Karol Borsuk, 1960, On the achievements of Prof Dr Kazimierz Kuratowski in the realm of topology, in: Wiadomosci matematyczne, vol. 2, issue 3, pages 231-237
Ligami esterni mudificà
- (in inglesu) Una breve biografia di Kazimierz Kuratowski