Binaria à eclissa
In astrunumia, una binaria à ecclissa (o binaria à ecclisse) hè una stedda binaria in a quali u pianu urbitali di i dui steddi si trova beddu alliniatu incù a linia di vista di l'ussirvatori parchì i dui cumpunenti mostrani ecclissi reciprochi. S'è un tali sistemu hè ancu una binaria spettruscopica è a so parallassa hè cunnisciuta, pò essa analizatu tandu in grandi ditagliu.
I binarii à ecclissa sò ancu steddi varievuli (è ditti dunqua varievuli à ecclissa), micca chì i singuli steddi siini varievuli, ma à causa di l'ecclissi. Trà l'asempii più famosi ci hè a stedda Algol (β Persei), chjamata a stedda di u diavuli da l'arabi, chì incù tutta prubabilità aviani nutatu a so variabilità.
A curva di luci di una binaria à ecclissa hè carattarizata, par parechji tipi (EA), da intarvalli stesi di luminusità guasi custanti, incù caduti periodichi di intensità, inveci par altri a luminusità ùn hè mai custanti (EB,EW). S'è una di i steddi hè più grandi ch'è l'altra, st'ultima subisciarà un'ecclissa tutali mentri a prima mustrarà un'ecclissa annulari.[2]
U periodu di l'orbita di una binaria à ecclissa pò essa ditarminatu da u studiu di a curva di luci, è a grandezza rilativa di i dui steddi pò essa truvata, pigliendu com'è unità u raghju di l'orbita, ussirvendu quantu veluciamenti a luminusità cambia quandu i dui dischi stiddarii si soprapponini. S'edda hè ancu una binaria spettruscopica l'elementi urbitali poni essa truvati cumplittamenti, è a massa di i steddi pò essa ditarminata faciuli.
Noti mudificà
- ↑ http://www.astru.cornell.edu/academics/courses/astru101/java/eclipse/eclipse.htm, Eclipsing Binary Simulation, Cornell Astronomy
- ↑ D. Gossman, Light Curves and Their Secrets, Sky & Telescope, uttrovi 1989, 410
Da veda dinò mudificà
Fonti mudificà
'Ss'articulu pruveni in parti o in tutalità da l'articulu currispundenti di a wikipedia in talianu.